Magwe Ramthen ah PDF sakhaan SCA ralkap nih an lak, hriamnaam an lakchih; August 20, Magwe Ramthen, Yesakyu Peng Mau-alay khua ah umhmunkhuar mi PDF sakhaan cu SAC ralkap nih an laak i hriamnam zong an lakchih tiah theih a si.
“Anmah minung cu an tlai kho hna lo. Kutser mi meithal pawl, meithal sernak thilri pawl le an thilpuan, kedan tibantuk an laak,” tiah khuami nih an chim. Kan hnulei zarh chung ah Yesakyu khua Zungkipfonh (Suhpawng zung), Electric zung le Palek sakhaan tibantuk ah bomb a puak i khuami zeimawzat zong thah an rak tong tiah People Media nih a langhter.
Relchap: Ralhrang pawl nih zahan meeting an tuah nak ah an lubik a si mi General Min Aung Hlaing nih biacahnak a chim i a chimmi ahcun, a tu hnu kum 3 tiang uknak kan tlaih ko a si ahcun Myanmar rampi cu A nuam mi ram Singapore ram tluk khi kan si cang lai tiah a chim. Pumpak minung pakhat nih Motor pakhat le Inn lo pakhat cio kan nei kho dih lai tiah a chim. Mah hihi tuah tuan dingin ka zuam kho tiah a chim.Kalay lairawn News
Ralhrang nih thlaruk chung uknak an lak cang nain, cozah hmanh an ser kho lomi mah ti bia a chim theo hi cu a molh taktak. Mipi hi a hrut tuk mi le a molh tuk mi ah a ramchung mipi hi a kan ruah caah maw a chim len hnga tiawk in.
A tu hnu kumthum Min Aung Hlaing nih uknak a tlaih ko a si ahcun vuleicung ram vialte lakah a vanchia bik le hnu ah a thlai bik ram ah a kan luhpi lai. Zeizong vialte a hrawk dih cikcek. Fimcawnnak le ramchung chawlehthalnak vialte a hrawk dih cang. A ngaingai ti ahcun ram pakhat a thannak bik hi fimnak le chawlehthalnak hi a si ko. Cucu a tu hi stop dih a si cang.
Leave a Reply