A Poi Taktak! CDM Tuahmi Cheukhat Cu Zung An Kai Than Tiah Theih A Si!

Zangfahnak tein zung cu kan kai piak than rih hlah ulaw. Attha mi uknak phung tang ah um kan duh a si lo maw? Dinnak kan duh a si lo maw? Ther le phang in um kan duh ti lo a si lo maw? Caan zeimaw ahcun teinak kan hmuh cang ko lai dahkaw. Kan tuahmi thil hi hmual a ngei tuk mi a si. Pehzulh rih ko hna usih. Zangfahnak tein zung cu kan kai piak than rih hlah ulaw. Joseph Vanbawiuk

A sikhawh lo mi ruahchannak cu pek ka duh bak lo. Nain, zung a kai than mi pawl an i chir te ding cu ka lung tha lo. Zung a kai than mi ule nau hna atu sining hi nan hmu kho lo maw si hnga? A rauh hlan ah kan tei hrimhrim ko lai. Zung kai than hlah mu. A fiang mi ruahchannak kan ngei ko ee! Credit Bedku Cenhrang

Relchih Ding Cabia Tha: Nai ah CRPH nih mah le humhimnak caah irunven khawhnak law and order an hun chuah, Hihi international law zong nih apommi asi pinah ramkip nih anhman ciomi upadi zong asi. Cucaah atuutan CRPH nih an chuahmi law and order hi athiangmi upadi asi, Hi upadi hi charhchan in nizan ah Min Ko Naing nih achim mi cu; irunvennak caah police achuakmi le mino training kan pek hna lai ati. Hi strategy hi a hnubik ah hman an timhmi sidawh in alang. Khelkhatin chim ahcun CDM nih ateilo i mipi kan thi tamtuk ahcun kan lehrulh ve hna lai tinak khi asi.

Kan duhlobik mi civil war hi chuak sual sehlaw zeitindah kan miphun nih timhtuahnak kan neih ve lai ti hi ruah cia ah attha, Cucaah atu tein ral kan tuk lai? timi timhlamnak le strategy kan neih cia kha abiapi ngai lai. Ral kan tuk tikah ral an konglam kha theih hmasa ahau i ‘cu hnuah kanmah thazaang kha itheih ve ahau, Hi hna 2 hi tha tein strategy kan soi thiam ahcun teinak kha kan kut cungah aum.

Kawl ralkap nih ral adohmi tuanbia kan zohtikah thazaang atthawngmi kha acheu hma hna lawngah adoh khawh hna, Tahchunnak ah KNU adoh hna tikah KIO he remnak atuah hmasa, KIO atuk tthan hna tikah KNU he remhnak atuah tthan, AA atukmi hna zong zohtikah raltuk thiambik asimi hna ‘Tatmah’ pawl thazaang ahman dih, Nain atei hna lo. Chim duhmi cu; aralkap tthawngbik ahmanmi hna hman nih hriamtlaibu pakhat an tei kho lo. hriamtlaibu atthawngmi 2 hrawng nihkhin biatak tein doh hna sehlaw amualpho cikcek lai.

Civilwar hi chuak taktak sehlaw hilio canah ramtang hriamtlaibu atthawngmi bu 2 hrawng nihkhin doh ve hna seh law ralkap thazaang hi hmun 2 ah aitthen lai ti afiang tuk, 88 buailio ahkhan raltuknak ah aum mi ralkap hna kha an lak hna i khuapi ah ahmang hna, Buainak adih hnu ah raltuknak ah akuat tthan hna, Hinih hin alanghtermi cu 88 buainak lio ahkhan ralkap thazaang kan tthenkhawhlo caah teinak anhmuhmi kha asi,

Zei asi zongah civil war achuak i Kawl miphun nih an khuapi cio in hriamnam an hman ve asi ahcun ralkap thazaang acheu hi khuapi ah ahman hrim lai, Hilio ah ramtangmi nih an kah ve asi ahcun ralkap thazaang a cheu kha ramtangah ahmang ve lai, Hilio ahhin canttha ah kan lak thiam ve ahcun teinak hi kan kutah aum, Atu kan ram ah aum mi ralkap abikin Mindat, Kanpalet, Matupi, Halkha, Thantlang, Falam, Tidim, Tonzang ah aummi hna khi, battalion 4 lawng an si, Milurel in tuak ahcun 500 in 600 kar lawng an si men lai? Hi ralkap 600 hi van doh hna usilaw bawmhtu anpek khawh hna lo ahcun fawitein kan tei khawh hna.

Kan ram chungah raldohnak chuak taktak sehaw CNF/A lawng rinh loin mah le khua pengtlang cio in thalpak le thalphir in doh veding an si, thalpak le thalphir lawng cun ka ttih tiding asi lo, Aruangcu raltuk tikah meithal ttha nakin thawngpang theihhma le hmunhma ithimthiam hi abiapi deuh. An ti tonmi cu zeitluk meithal ttha le ralkap tampi na neih zongah thawngpang na theih hmasa lo ahcun ‘vuipi’ amitcaw mi horkuang ah atlami bantuk an si an titonnak khi, Zeitluk indah thawngpang theih abiapi an tiduhnak khi asi.

Kan khua le kanram cio ahcun hmunhma hi kan mah nih kan thei bik, Cucaah ralkap an ra ti thawng kan theih ahcun kan duhnak hmunhma in kan bawh hna lai i, fawi tein kan kah khawh hna, Atu ahcun khua te kip internet le phone aum dih cang caah fawituk in thawng kan theih kho colh lengmang cang, Hi thawngpang le hmunhma hi kan hman thiam ahcun teinak cu kan kutah aum, Sa ttum ah sa kan bawh i fawi tein sa kan kap mi bantuk khi asi. Cun ral kan kahtikah minung pakhat nih vuikhat te lawng kah in zam colh lengmang ding asi, Aruangcu meithal zunkhat kan puak i kan zam colh ahcun ralpawl nih meithal an puah manh lai lo i, cucu teinak phunkhat asi,

Asikhawh ahcun kuanpi nakin kuan cik hmanah attha deuh, kuanpi cun kan khen hna ahcun an thi colh lai. Kuancik tu cu thi loin hma an pu lai. Hma an pu ahcun minung pakhat kha minung 3 nih buaipi ahau cang, Athilri an chawng ahau lang in an zawn rih ah ahau, Cucaah ralkap pakhat hliamhma na putter ahcun ralkap 3 asiloah 4 thazaang kha na hrawh cang tinak asi, Kuanpi cun kah law athi zongah an kaltak lai i an thil arit tilo, Mah caah cun kuanpi hmannak in kuan cik hman kha attha deuh. Fiang deuhin chim ahcun ralkap 20 chung ahkhin 5 nih hliamhma pu hna sehlaw an dihlak in hliamhma pu mi an buaipi lai i ral an kah khawh ti lailoh, An thazaang dihlak kan thah hna tinak khi asi ko.

Kanmah le pengtlang cio in ral hi kap khawh ahcun kan pengtlang ah aum mi ralkap pakhat le khat kha an ibomh kho ti lailo, Mindat ah Hakha ralkap nih abomh khawh ti lailo, Hakha zongah Mindat ralkap nih anrak bomh khawh ve ti lailo, Falam ralkap le Tidim ralkap zong an ibomh khawh ti lailo, Neypyidaw lei zongin arak bomh khawh ve ti hna lailo, Cutikah kan pengtlang cio ah aum mi ralkap hna hi chanhtu neih loin hor kuangah kan thlak khawh hna lai. Thantlangpeng ah aum mi Lungler ralkap le Vuangtu ralkap khi 60 hrawng an si i thantlang peng nihhin doh hna usi law chanhtu an neih lo ahcun fawi te in kan tei hna lai, meithal ttha zong ahau lailoh.

Kan miphun tuanbia zohtikah vawleicung a uk dihmi Mirang hman nih fawi tein akan tei loh. Kan pupa hna nih Mirang ral anrak doh lio ahhin lai meithal puah ceh anrak hman, Hilio caan ah ram uk le mitlom te lawng nih meithal an rak neih hna, Khua te deuh lahbang ahcun meithal zunkhat lawng hna anrak neih khawh, Hi bu hin Mirang anrak doh tikah Mirang pawl nih hnu an kir tthan, Ahnu ah Oparation 3 in an rak kan doh, Chittagong Hill tracts in pakhat, India Manipur in pakhat, Kalay Kankaw in pakhat tiin, Hi oparation 3 hna hi kan pupa hna nih fak ngaiin anrak doh hna caah Mirang pawl ral an dohnak cazin ah ral tuk aharnak ram tiah record an rak kan ttialnak hi asi, Hi an ido lio ahhin Mirang ralkap 2 nih mintthatnak laksong asangbik mi Victoria cross anrak hmuh, Hinih hin alanghter mi cu zeitluk indah kan pupa hna nih hin anrak doh khawh hna ti a langhter.

MNF nih ramtang an lut hlanah Independent an phuan i, Lai meithal kha abik in anrak hman i India ralkap an kah hna. India ralkap sakhan zong tampi an lak khawh, Hilio ahhin India Cozah nih attih tuk caah vanlawng ahmang i Bomb arak thlak, MNF tuanbia kan zohtikah meithal ttha an neih hnu nakin Lai meithal anrak hman lio ah ral ngan deuh anrak kah khawh tikha fiang tein kan hmuh, Laimeithal in ral anrak kah lio dirhmun hi atulio kanram dirhmun bantuk si sehlaw independent hmanh an lak khawh men hnga?. Kan pupa hna le MNF tuanbia nihhin meithal ttha nak in raltthat abiapit deuh nak kha alanghter mi cu asi.

Civil war hi chuak taktak sehlaw Chin hill regulation acts kha hman tthan in sratagy ttha tein kan soi lai i, mah le pengtlang cio in runvennak kan tuah khawh ahcun kan ram hi kan veng khawh hrimhrim ko lai tiah ka ruah ko. Credit: Van Neih Thang