A Poi Ko! Kawl Ralhrang Pawl Nih Tangka Tam Taktak An Hmuh Than!

Kawl ralkap nih Lung mansung in phaisa tam taktak an hmuh than hoi cang.

Tulio Kawl ralkap hi phaisa an dong ngai cang lai, cozah riantuan thlahlawh pek awk hmanh an ngei ti hna lai lo tiah ka ruah cio ko.

Ralkap nih uknak an lak ruang ah mipi tihal le rawltam in kan um hna. Thil man a kai pinah rian loin um cio kan si cang hna.

Khuasaknak ah mipi kan lungre a thei cang. Kawlram sipuazi zong a tu a tlak tuk lio a si. Covid lio khan a tla cang i a tu ralkap nih uknak an lak hnu ahhin sipuazi a tla chinchin cang.

Sihmanhsehlaw Kawl ralkap cu an sipuazi a rak tha peng rih ko. Kawlram vawlei tang chuah Lung mansung zuar bak in phaisa tamtuk an hmuh cang ti a si.

Ralkap company a simi MEHL le MEC nih kan hnu ah khan Nay Pyi Taw khuapi ah Lung mansung zuarnak le pholanghnak puai cu ni 10 chung an tuah. Lung mansung a caw tu cu an tamtuk hringhran Kawl ralkap phaisa an hmu taktak ti a si. Nikhat ahhin buaktlak in Kawlram phaisa cun 9.2 billion ( US dollar 5.4 million ) hi an hmuh tiah theih a si.

Kawl ralkap nihhin a hlan chan bantuk khan phaisa hmuhnak ah an hman bikmi cu Kawlram leitang chuak thil mansung in a rak si peng i a tu zong a hung si cang.

Shan ramkulh lei hna ahcun Kawl ralkap nih thing an hau i Tuluk ram ah a tomtom in an zuar hna ti a si. Cuticun a tu Kawl ralkap hi lei tang thil chuak mansung bak in tangka a kawl cang.