A Poi Kho Tuk Tung Hme! Mipi Lei Hliamtuar Panga (5) Le Mithi Pathum (3) An Um Cang!

Kalaymyo i kahnak cu atu tiang a dai kho lo hmun kip ah meithal thawng dah ti lo theihding a um lo tluk a si cang. Mipi lei an tuar tak tak cang. Royal City hmai in an kah hna caah mipi le dirhmun a chia ngai. Atu tiangah ralhrang ralkap nih mipi minung 3 an thah cang hna i minung 5 an hliamh hna, hliamhmi lak ah pakhat cu a kut a bul ti a si.

Thlacamnak in bawm cio hna usih. Ralkap nih hin bom an hman i sniper in an bawh fawn hna. Mi inn le hau ah an kut i mipi an kah hna tikah mipi lei nih duh poah in can leh ve nak lam a har ngai. Aruang cu mipi lila kha i phennak phun ah ralkap nih an hman hna.

Thawngpang dang Relchih Dingah : Nunnak dih le thisen chuah in kan ram caah aa pumpemi hna, nan nunnak a dih ding hi kan in siang hrim hna lo. Kan ral hi nunnak liam lo tein tei hi kan saduhthah cio a si. Asinain, nihin ah nunnak pek in “Frontline/ Hmai” ah a dirmi Kalay Mino hna, Pathian nih in veng ko hna seh. Thlacamnak le thinlung he kan in dirpi ko hna.

1948 lio ah Tlangparmi kan pale nih duhthimhnak an rak i palh caah, kum 70 chung kan tuar lawng siloin, nihin Mino nunnak le thisen a luang. Asinain, Nihin Mino nan nunnak le nan thisen nih hmailei ah a ra chuak hnga dingmi Mino caah, zungzal zalawnnak, Freedoms le liberty 🗽 chuahpitu a si hrim lai. CHIN HISTORY ah the True Chin Heroes cu Nangmah hi nan si. Credit: Zasang Cinzah

CNA Kongah Hmuhning Relchih Ve: CNF/A NA DOH AHCUN, KAWL RALKAP(ralhrang) NA TtANH TINAK A SI. Thil hi a caan a um dih. Kanmah Chinmi hoih in tahchunnak an rak chim tonmi cu, Ralkap chan, Saya( sianginn) chan, Pastor chan, Ramthumnak kal chan tiah an rak chim i a zapi in a dik dih lo hmanh ah zatuak ah a uak deuh cu a rak dik lai ka zumh. Nihin Kawlram boruak le khua caan zoh ah CHINMI long silo in TLANGCUNG MI vialte nih “Za ah Za” in kan thonter dingmi cu Kan Miphun Ralkap cio hi an si a caan nih bia a chim.

Gideon le a Ralkap tuanbia kan zoh ahcun Dan(siikan) a zullomi le Aral chiami hna cu Pathian nih Gideon hmang in a thumh hna a kirter hna bantukin CNF/A chung i a fellomi le ningcang a zullomi pawl cu Pathian nih Ralbawi le upa hna hmang in an kong cu an ceih hna lai i tuanvo an lak ko hna lai. A leng in nangmah le keimah an fel le fello kongah pakhat hmanh kan ni ceihding a um lo.

Mizeimaw hna nih online in zeihmanh thei huaha loin CNF/A doh in nan au lenmi hi ruat hmanh Kawl Ralkap(ralhrang)lei in na ttang tinak a si. ” A ruang cu CNF/A nih a herh ahcun Kawl Ralkap(ralhrang) hna hi Abia in kan doh hna lai i a ngah lo le hriam in kan doh hna lai tihi an dirpimi a si.” Cucaah Kawl Ralkap(ralhrang) a dotu CNF/A na doh hna ahcun Kawl ralkap(Ralhrang)a bawmtu na si. Credit: MangCem Van