A Pi Le A Tunu Te Cu Nam In A tuk Hna I, A Pi cu A Thi A Tunu Te Cu Hliam A Tuar

Combodia pa nih August 3, 2020 Zaan ah a pi cu nam in a tuk i a thah. A pi sinah um mi a tunu te kum 13 mi Pen Rey zong hliam a tuar, a tunu zong a piang le a ban ah a tuk chih ve.

A pi kum 75 mi Hling Yim ruak cu Doung siizung ah an kuat i tha tein an zohfel lai, a tunu zong cu Svay Rieng Provincial Hosipital ah an zohkhenh. Mi that pa hi Seng Tith ( kum37) cu lo riantuan mi a si i Inn ah a rak tlung i an nupi a rak um lo.

A nupi cu a kawl i khuaika ah dah a kal hnga tiah aw lok cawng in a kawl i a hmu ti lo caah a pi le inn ah hin a va kal. A pi nih cun a rat lo le an nu an hmu lo nak kong cu a rak chimh i a thin hun a zual chin ruangah, nam a sau mi in cun a pi cu a tuk colh i cu ti cun a pi cu a thih nak hi a si.

A pi chanh ding i a va tli mi a tunu te zong cu nam cun a rak tuk thotho i, a hliam ning a fak tuk ve caah siizung ah a an tlik pi i an zohkhenh cuahmah tiah theih a si.

 80 total views,  1 views today

This function has been disabled for Chin 11 News.