A Pasal Le A Hawikom Thabik Mi A Umh Ter Hna I, Hmunkhat Ah An Pathum In An Um Hna

Kum 26 mi Terry le a pasal kum 28 mi Britteny Stroup, a hawinu Lindsay Schoepf cu an pathum in hawikom an si hna. An pathum in California ram Glendora ah a thang lian ti mi an si hna i, an hngakchia lio in hawikom tha tuk an si hna.

Terry le Britteny hi nungak tlangval an si hnu i a duh mi an si i, an hawinu Lindsay hi hmundang i khual a tlawn kar ah a nei mi an si.

2016 ah an hawi nu Lindsay cu a rak tlung i, an nupa cun hmunkhat i um ti dingin an sawm, kan i dawtnak hi kan sin ah i hrawm ve tiah an ti i, Lindsay nih cun pasal i hrawm ve ding cu a rem a rak ti ve hna.

Kan pathum in pakhat le pakhat kan i duh kan i dawt hna awk asi an ti. Vulei cung kan nunchung ah pakhat lawng duh ding an ti mi lak ah kan nih cu kan i tello, kan i duh kan i dawt nak hi mi dang kan hrawmh ve hna hi thiltha tuk a si tiah Lindsay nih cun a chim.

Kan pathum in karlak ah thinlung put tha lo a um lo, kan i duh kan i dawt nak zong Tattoo tiangin kan taksa ah kan tial, micheu khat nih cun an kan soisel ko nain kan i duh kan i dawt nak hi ka pathum in hmailei ah kan kal pi lai i kar kan hlang ti peng lai tiah an chim.

 73 total views,  2 views today

This function has been disabled for Chin 11 News.