A Nang Khuate Fa An Kan Ti Ma Cu ??

”Nang khuate fa an kan ti ko e.  Laitlang khuate um an si ai pat tiah neek awk kan si lo, a taktak ah cun khuapi um zaapi zaaran he kan i khat ko. Kan nih khua lebang cu carel kan huam , muko le Authawng megazine kip kan rel dih ti awk si. Hakha post an rak chuah khan kan khua cu ramdang bomhnak thawngin zarhchiar te a phan, a rel lo kan um lo.

Khuate fa, khuate ah thang lian mi kan si nan kan ruahnak cu khuate ah a um ve ne,mam lo teh. An um nak khuapi ah khin pei a um ve i kan thluak hi aa dinh in a din bel ve lo cu.Kan um nak hi khuate a si nan ca kan rel tam caah kan ruahnak cu ramthum nak hna ah pei khua a sak a tamtuk ve cu. Khuate fa kan si nan biasawng kan tlaorh ah hin Caw le Rang kong lawng kan ceih loteh. Globalization hi pei kan ceih ve cu.

A tu le bang cu media chan a hung si cang i, Khuapi um zaapi pawl nih movie zoh le Games kah in caan an hman lio ah kan nih cu theihtlei ti bantuk carel in pei media ah hlawk nak kan kawl cu. Cathiam lo kan si nan Ramkhel kong hna hi pei biatak thlak ten kan i ruah hna cu. khuapi um zaapi nih an kan tei neihsaih lai lo si…Kan kawlram president min hmanh an thei lo khan.. Kan chief minister min hmanh an theih tung lo. Kan nih khuate i khuasa mi pawlhi an va kan neek ve.

Thil poipang a chuak caan ah khuate fa an si ko lai tiah nak in an kan puh colh , a taktak tiah cun khuapi um mi thenkhat hi khuate um mi nak in thil an thei lo deuh!
Khuapi lei i a hung tlung mi cheukhat kan hawi le pawl khi kan biasawng tlorh mi an i hrawm khawh tung lo. Kan nih biasawng kan tlorh i kan ceih bik mi cu Globalization , Politics, Media le Communications, theology ti bantuk hna hi pei an si cu. An i hrawm kho nemmam lo.

Khuate fa e an hei kan ti, a tu ah cun carel tam mi poh pei mifim le thilthei an si ko cu . Khuapi um le khuate um ruangah zei hlei a si nak a um lo. Khuate um kan nau ta nak a um hlei lo. “Laipaih an ti, lai lei kan rizai nak i a nem deuh mi cungah an hei i pai, kan nih khuate fa cu kan pupa hna cha khan pei inn tual cae le tuangro cung ah kan i pai cu . khi tluk a nem mi cung i an i pai ah khin maw pasal tha e an ti??

A pai mi khi pasal tha an si thlu nemmam lo , kan mah khuate lei bantuk in Tualcar le tuangro ah cungah a pai ding khi si hna sehlaw aa pai ngam lo ding an khat. Lai pasal , lai paih ah Tualcar le Tuangro cungah paih a ngamh i aa pai peng mi kan si hih. An va kan neek ngamter ve ee. khuate fa nih khuapi fa hi a zei lei hmanh ah tih nak kan nei hna lo dahkaw.

 118 total views,  1 views today

This function has been disabled for Chin 11 News.