A Mithmuh Bak Ah A Tunu Le Pathum An Tleihhrem Piak Ruang Ah Pitar Nu Cu Lungtur In A Thi

South Africa ram KwaZulu-Natal pengkulh ah kum 71 a si cang mi pitar nu cu a ihnak innkhan chung ah a tunu le pathum, kum 19, kum 22 le kum 25 hna cu pa pakhat nih a tleihhrem hna ruang ah lungtur in an hmaika ah cun a nunnak a liam tiah theih a si. Hi tleihhrem tu pa hi hmai khuh le meital pakhat he inn chung ah a rak lut I nu pathum hna cu hri in a tem hna hnu ah an pi kum 71 mihmuh bak ah pakhat hnu pakhat in a tleihhrem hna hi a si.

A tleihhrem cuahmah hna lio ah cun kum 71 a si cang mi pitar nu cu a lau tuk I a thathir mi zong kan hmuh ko nain  hri tem in hren mi kan si ruang ah kan pi cu kan domh tlai kho lo tiah unau pathum hna nih cun a chim.  Hi an an tleihhrem tu pa hi hmaikhuh he kan inn chung ah a rak lut, meithal pakhat ai put caah kan tih I zeitin hmanh kan lehrulh ngam lo zong a si. Cun pakhat hnu pakhat hri in an kan tem I cawl kho lo in an kan tuah hnu ah kum 71 a si cang mi kan pitar ihnak room pakhat chung ah an kan chiah. Cu ka hmun ah cun kan pitar hmai ah pakhat hnu pakhat in an kan tleihhrem hi a si.

A hohmanh bawmchan tu kan ngeih lo mi le pakhat hnu pakhat in tleihhrem kan si mi cu kan pitar nih a kan hmuh tikah a lau tuk hringhran, a thathir dih, kan hmuh ko lio ah cun a thathir buin a nunnak a dih ziahmah ko nain a hohmanh nih kan domhtlai kho lo tiah unau hna pathum nih cun police sinah an chim hi a si.

Hi thil a cannak hi thla hnih a rau cang mi a si nain tleihhrem tupa hi police nih an tlaih khawh rihlo caah mizei hmanh nih hi pa umnak le a konglam a thei hngal mi nan um sual ah cun zaangfah nak in thawng nan kan thanh nak lai kan in nawl ko hna tiah an rak tarlangh than mi zong a si.

Source: Akon Thi

 158 total views,  1 views today

This function has been disabled for Chin 11 News.