A Mak Taktak Si! US Vs Russia Si Ti Loin, Amazon Vs Tesla Ti Bak Si Cang!

1960 lio hrawng ahhin Russia le US cu Thlapa/ Moon πŸŒ™ cungah phak an rak izuam. U.S nih a tei. Apollo 11 cu Thlapa/ Moon ah July 20, 69 ah a rak ttum. 1969 ah U.S nih Thlapa/ Moon πŸŒ™ a phan kho cang nain, izuamnak/ competition a um ti lo caah, a hlei in thangchonak a um ti lo. International Space Station πŸš‰ cu ram kip ibawmh in an ser. 2011 thawk khan US cu amahte in Space ah mi a thlah kho ti lo. Russia πŸ‡·πŸ‡Ί aa rinh ti a si. Nain naite ahkhan Elon Musk nih amah private in a sermi, Space X in minung 2 an thlah khawh tthan hna.

Hlan ahcun Russia Vs US tiah thlapa πŸŒ™ cung kai an rak izuam nain Kum 60 hnu ahcun, US vs Russia si ti loin, Amazon vs Tesla tiah Vawlei cung mirum bik pahnih, Elon Musk le Jeff Bezos cu Space cung ah duh paoh in tourist kal khawh dingin in Rocket πŸš€ Vanlawng an ser cuahmah. Kan chan chung ah internet nih vawlei pi a thlen ning kan tep cio. smart phone πŸ“±, Apple le Samsung , social media network tbk hna nih kan vawleipi cu another level ah an zuangpi.

Elon Musk nih Tesla, electric car πŸš—, autopilot/ zeitluk traffic jaam le mawtaw tam tak nakah minung mawngh hau loin, amah tein a kal khomi a von ser tikah, Vawlei cung motor sertu company vialte an lau dih i, electric car ser zuamnak, racing cu biatak tein an von awt cio. Kan vawleipi hi exciting time ah kan um tiah ka hmuh. Hi hnu 20 years ahcun electric ⚑️car hi tam deuh nih hman a si cang lai tiah ruah a si. Cucaah, car makers vialte nih ttan an lak cio cang.

Elon Musk nih Space Tourism caah a sermi star πŸ’« ship πŸš€ cu 2023 hlan ah a voi 1nk kal kho dingin aa zuamnak a chim. Japanese mirum, Yusaku Maezawa le a dang 6 or 8 artists hi kalter hmasabik an si lai tiah bia an itiam. Jeff Bezos, Amazon nih β€œBlue Origin” tiah Space tourism caah, β€œNew Shepard β€œ tiah rocket πŸš€ cu Texas ah a ser cuahmah ve. Pathian nih damnak a kan pek cio ahcun kan chan chung ah technology thiamnak ah fak chin chin in a tthang lai tinak a si. A rel huam caah umharphen in ka von thai. Catialtu; Zasang Cinzah