A Mak Lawlaw! Tutan US Election Cu Constitutional Law Exam Zong A Har Khun!

Trump le a hawi le pawl tuah to ning ruang ah kan saya te pawl nih exam question ca ah ruahnak tha tha an ngah ii kan Constitutional law exam zong a har khun tukum. Hahaha.

Republican Senator pawl hrim khi US institution cung ah zah nak pakhat hmanh an ngei lo. Trump aw zulh bu in SCOTUS zong an soi sel ngamh cang. Vawlei cung ah zahmi(respect) pakhat tal (minung zah lo zong ah kum sautuk a diar cang mi le vawlei pi nih a zoh chunh len mi institution) ngeih ti lo ah cun a thawng bik le a aukhuang kho bik nih teinak hmuh lengmang ii amah duh ning lawng te in khuakhaan mi uknak tang ah phanh a si ko lai.

Zei khi cu zumh awk tlaak asi ii zei khi cu au khuan sawh mi dah a si ti zong kan zoh a herh lo maw. Republican tanh zong ah Democrat tanh zong ah principles tal cu thlau lo a herh. Zumh mi, zahmi le zeikhi cu zumh ding dah asi ii zei khi cu ralrin a herh timi zong zoh thiam a herh hnga.

Voi 50 leng State court ah an sung, SCOTUS nih voi hnih a el cang. Ramdang bantuk hmanh si lo in US ah cun State Courts pawl nih nawl an ngei tuk mah le State cio ah. Keimah nak in US um mi nih nan theih deuh ko lai. President a si ruang ah duh paoh in el chih nam chih a ngah lo. Mah cu bu in au khuan lengmang cu. Mah bantuk na share mi nih an thil tuah mi khi legitimise na tuah pi hna tiah ka hmuh an follow tu laimi pawl kar ah (ca tha tha a rel kho lomi kan tam tuk theih bang in)!

Note: Mah Ca Hi Rosalinn Zahau Tial Nih Salai Lairamthang Catialmi tangah Comment a pekmi a si! Theih Tha tuk a si Kan ti caah, Mipi hmuh dingin ka rak tarnak hi a si. Salai Lairamthang nih a tialmi zong a tangleiah ka van tar than ve!!

General Michael Flynn nih President Donald Trump cu martial law chuah i, Joe Biden he an i phomhnak swing state timi battle ground state poah ah a thar in thimnak tuah dingah ruahnak a pek. Newsmax nih General Michael Flynn interview an tuahmi ah “President Trump nih rianrang tein martial law chuah sehlaw battle ground i vote thlaknak seh, voting machine vialte la dih hna seh, ralkap nih white house le Federal zung vialte cong dih hna sehlaw Joe Biden lut kho lo ding in tuah hna seh, mah hnu ah battle ground state poah ah a thar in thimnak tuah seh” tiah ruahnak a pekmi cu interview ah a chim.

Democrats nih Governor an tuannak le Major an tuannak hmun cheukhat ah hin vote firnak le hrokhrawlnak tampi a um tiah an zumh. Inn cio ah vote an kuat hna, aho nih thimfung a thlak timi hngalh khawh a si lo. Chek khawh zong a si fawn lo. Citizen a si lomi zong nih rak thlak khawh a si, micheu inn ahcun cabawm in vote voi hnih le voithum tiang an kuatmi hna zong a um. Mi thi cia min in vote kuatmi cabawm zong a um ti a si. Vote thlanak seh hrimhrim hi a hlan tein Joe Biden caah software rak tuah hna sehlaw a dawh tiah an chim.