A Mak Lawlaw, Faro Lungthin Cu A Hak Ko Rih, Nain A Ni Atla Deng!

CDM kan in dirpi. Rili ral ummi hna nih na bantha kan in domhpi. Nitlakram cozah ṭhawngbik hna nih vainam an kan thlirpi lio asi. Lungthin ruahnak thazaang in an imanh, chawva thazaang in timhcia an si. Faroah lungthin cu ahak ko rih. Nain, ani atla deng.

Hi lioah CDM bantha adih sualcun zeidah ra lai? Hmailei ca ruahah asi kho lo. Kan tha kan ihrim rih lai. Kan peh rih hna lai. CDM dirpitu cozah rianṭuan dihlak cungah kan lung aa lawm. Ralṭha tein damti kan pahpi rih ko u. Biaknak le ramkhel hruaitu hna nih lamhmai an kan sakpi lai. Kan zapi ramchung ramleng kan ṭangti lai – kan tei lai. Credit: Salai Van Lian Thang

A Tha Kho Tuk, Van Rel Ve Rih! 8888 lio ahcun Mipi sandahpiah in Ralkap an do. Asinain 2021 ahcun bell 🛎 le kheng tum le CDM in Ralkap an do. Sandah an piah chih. 2021 Ralkap dohning hi hmual a ngei bak! Tawlreltu an thiam. – A khua kip, a sang kip ah hruaitu an ithim. An sang ah Ralkap or police nih hruaitu tlaih dingin an rak chuah bak in Bel an tum colh i, bel ttum thawng an theih in, an bel he Mipi an chuak cio i, an bel cio an von tum taktak cu, khuari le ttektlak bak in an awn cio tikah, Ralkap or police cu ningtti lak in an tuah hna. Hmun zeimaw ahcun tlaih an duhmi zong an tlai ngam hna lo’ ti a si.

Chun ah CDM in Ralkap an doh i, zan ah bel le kheng tum in an nolh. Bel tum thawng cu, pakhat le pakhat signal ipeknak ah an hman fawn. Min Aung Hliang nihcun 8888 lio bantuk, old style kha aa chuahpi, misual thongtla a chuah hna. Buainak ser in, Mipi kah khawhnak Khua a khang. Asinain 2021 ahcun Mipi an fim tuk cang i, buainak an hrial khawh tuk. Daite in sandah an piah. CDM in an doh. Khuachia le khuavang tthawl in bel an tum hnawh tikah, awlawkchong in a um cang ko.

Bator pa cu aa chuahsual cikcek cang ko hi! Ralkap aana a ting cu, a Nawl ngeihnak Mipi sinah pek he aa khat te ko lai. Ram chung lei a ummi vialte, nan tha chia hrim hlah u! Chun ah CDM in nan doh. Zan ah bel-kheng🛎 tum in nan nolh. Ralkap le police nih hruaitu tlaih dingin an rat tikah bell 🛎 tum in signal nan ipekmi le bell 🛎 tum bu in Mipi nih nan chuah hnawh hna tikah, an thlarau zong a chuak/pawt dih i, a celh te an celh lo. Nan tei tuk hna. Credit: Zasang Cinzah