A Mak Kho Tuk Cang; Chin Miphun Hruaitu Hna Tho Cang U, Nan Hnu Ah Mipi Kan Dir Cang!

Six days War timi, Israel miphun tlawmte, Lairam nakin a hme deuhmi Israel cu, Arab ram, ram nganpi 4 nih an rak tuk hna nain an tei hna lo. Israel Ralkap cu 50,000 hrawngte an rak si. Nain Arab ram, ram 4 fawnh Ralkap cu half millions nakin tam deuh an rak si. Hi lio caan ah Israel miphun hi Ralkap thazaang cun an tlawm te nain, Reserves army hi ting 2 hlei an rak ngei caah an thawn khunnak a rak si.

KIO le KNU pawl zong hi a caan lio ah an zenthawng a puak kho. An nih pawl hi reserves armies an ngei hna caah an thawng ve tiah ka ruah. Kanmah chung belte cu Reserve army kong kan ceihnak a sau cang nain, a tak ah kan ngei lo. Kan tuah lo. “Vision without action” kan si. Midang phung-pheng an ti lio ah, kan nih cu riahcaw damh ah kan vak rih. Nain a poi lo. Caan kan ngei ko rih.

Kan caan le kan tonmi thil nih lungfim a kan pek cang. “Vision with action” ah kan chawipi colh cang u! Six days War lio ah Israel ralkap nih Egypt Ralkap Tank lila in Egypt 🇪🇬 Ralkap an rak tei hna bantuk in, KIO nih Ralkap meithal le hriamnam lila in Ralkap an doh hna. ISIS nih Syria le Iraq 🇮🇶 hnarcheu an rak lak khawh kha, Iraq 🇮🇶 Ralkap hriamnam an chuhmi hna thawng in a si.

Cucaah, Chin State ah Ralkap station/ Sakhan 34 a um. Anmah Ralkap hriamnam lila chuh in ralkap tei khawh lio caan a si. Tulio bantuk caan ahhin Kawl Ralkap an der bik lio caan a si. Khuate lei ah duty/ sakhan pawl cu tlik ding le zam ding/ surrender colh ding lawng an ruat cang lai. Tanbo luklak zong in lak khawh dingmi Sakhan an tawr lai. Zeicatiah, Emotional 😭 in an der tuk lio caan a si.

Kan pipu chan ah Mirang Ralkap cu fei le nam in an rak doh ko hna. Nihin ah Chin mino nih chai, tanbo le Lai meithal in Ralkap an doh hna. An ral a tthat ning a mak. Karen ral a rak teitu zong Chin Refile an rak si. Cucaah, Chin hi mi ralchia kan si lo. A dermi kan lawh hi Hruaitu ttha kan ngei lo caah a si.

Cucaah, Chin miphun hruaitu hna, tho cang u. Nan hnu ah Mipi kan dir cang. 1948 in chan khat chung kan sunghmi, kan covo, kan nunphung, kan ram lak tthan caan kan phan. Credit: Zasang Cinzah