A Mak Hih! Lautu-CDF nih Mipi Zulh Awk Cathanh an Chuah

Lautu-CDF nih Mipi Zulh Awk Cathanh an Chuah; Thantlang peng, Lautu hmunram ah a ummi hna le khualtlawng hna nih zulh ding CDF-Lautu nih tuzaan ah an chuah. (1) SAC ralhrang thawngpang pek, rawldangh le bawmhnak pek lo ding.

(2) Lautu hmunram ah motor in khual a tlawngmi hna nih motor thlalang nan khar lai lo, muka zong in nan khuh lai lo. (3) Zaan 7:00 in zinglei 4:00 karlak khual nan tlawng lai lo. Hi caan khualtlawn/lengchuah a duhmi nih CDF-Lautu sin thanh hmasa ding.

(4) Lautu hmunram chung COVID-19 checknak gate pawl i mipi ngandamnak kong tawlreltu committee hna nawl zulh ding. (5) A herh huaha lo ah khualtlawn lo ding. Khualtlawn duh tik ah khuachung ttuanvo ngeitu sin ah thanh hmasa ding. A cunglei nawl a zul lomi cu CDF-Lautu nih dantatnak pek nan si lai, tiah thawngthanhnak an tuah.#crd

Relchap: Mipi an nunnak le an inn lo kil vennak ding caah ral cu kan do hrim lai i a ni le caan tu cu i ceih in bia kan khiah lai tiah NUG caan karlak president Du Wa Lah Shi nih nihin an tuah mi NUG caan kel meeting (19.20.21) ah a chim.

“NUG nih cun nifatin in thahnawn a tong mi mipi an nunnak le an inn lo pawl kil vennak ding caah ral kan do hrim lai i timhtuahnak zong rian ngeitu hna nih dinh lo in an tawlrel cuahmah nak kong le thok ni cu i ceih in bia khiah hnu ah cabinet ah langhter than hnu ah i bawm in biakhiah than ding kong” caan karlak president Du Wah La Shi nih a chim.

Caan karlak president nih biatawi chimnak a ngeih i a ra laimi September thla ah UN Palai U Kyaw Moe Tun cu pehtlai in a riantuan ter ding kong vawlei pi nih cohlan piak ding kong cu a biapi mi thil a si caah remnak le ruahnak petu phu pawl nih an tawlrel cuahmah nak kong, ASEAN Palai Kawlram a rak phanh tikah NUG he tonbiaruah ding kong zong an ceih dih cang nak kong a chim.

Covid – 19 khamnak kong he pehtlai in Covid – 19 khamtu phu in Dr Zaw Wai Soe hruainak in ram chung phu pawl, ram dang phu pawl hna he i pehtlai in tawlrel an i zuamnak kong, Covid – 19 khamnak ding ah ralhrang pawl i tawlrel ning an dai thlannak,mipi tu kilven lo in an mah ukn k lawng kilven duhnak hna hi Kawlram pi a rawhral ter tu ding a si caah Covid – 19 khamnak ding kong ah cozah vialte he mipi vialte zong i bawm in tawlrel a herh nak kong zong caan karlak President nih a chim. #Khit Thit Media