A Mak Bak Hih! Joe Biden Cu USA President A Si Lo An Ti!

Trump nih FBI pawl cu an tuan hnga rian an tuanlo, ningzak taktak an si a ti hna. Cun January ni 6 ah cun thil tampi ai thleng canglai a ti. Ahohmanh dingdawrh a timh ti hnalonak cu a chim cang. Texas Senate Tex Cruz zong nih a sualmi Governor le riantuan tu lih in thil a dirpimi hna cu an sualman an in awk a si ko lai a ti ve.

USA Supreme court justice zong bochanawk zeihmanh an um lo, an rian zong an teilo an thazang a der tuk a tibak ve ko cang hna. Georgia state ah Country pakhat cio vote cu Audit an tuah hna I, an minthut ai lo lomi pawl le mithi cia kumtlinglo vote cu a dang te in an chiah hna ti a si cang. Georgia state ah a ngan ngan taktak in teinak kan hmuh lai an ti cang.

Hnu kan tawn lailo I, kan ngol nai sai lailo a ti than rih. Trump dirkamh tu 200 millions an karh cang tiah an thanh. USA phunghrampi ning te in teinak a co lai an ti cang. Trump dirkamh tu hi thil tikho le mirum tampi nih am dirpi cang. Trump a dirpi duhlo tu hi mah panghui longte an si an ti. Republican party zong nih a dirpi duhlomi tampi an um ve. Cu hna cu mah panghui le thildiklo phaisa in rian tuan a hmangmi an si an ti hna.

Republican party minung pa 8 cungah a lung a tling hrimhrim ti lo. Ka philh kho lailo an khuakhan le an dirpimi hi a ti cang hna. Mitch McConnell cungah zong ai tel. Trump nih Mitch McConnell cungah a lung tlinhlonak a chim le cangka in Mitch McConnell cu a sining vialte pholang dih a si. A nupi cu taluk nu a si I, tuluk ah dawr an ngeihnak le Joe Biden a dirkamhnak sining vialte cu pholang dih a si fawn.

January ni 6 hlanah thil sining tampi ai fiang kho, nain bik in January 6 hnu thil an fian chinchin te lai. Joe Biden cu USA president a si lo an ti . Laknak ;NTD, OAN, Fox, FH, MBT (Catialtu; Joseph Thawng Z Ting)