A Mak Bak Ee! Trump Hi A Sung Cang Maw? Ziah Pu Zo Tum Hmung Nih Trump A Sunghnak Kong A Ruang A Chim Ko Ee!

Pu Zo Tum Hmung nih US tukum thimnak ah President Donald Trump a sunghnak a ruang fiang tein a chim. The Hakha Time nih Pu Zo Tum Hmung interview an tuahnak ah “Tukum US thimnak ahhin zei ruangah Donald Trump hi a sunghnak bi a ruang a si hnga? Nangmah pumpak ruahnak le hmuh ning” tiah an hal.

Donald Trump and his wife, Melania Trump, appearing on the Today Show Thursday morning.

Pu Zo Tum Hmung nih a chimmi cu “Tukum US thimnak ah President Trump a sunghnak a ruang bik hi Covid-19 zawtnak ruangah a si ko. Trump nih a hlan ah hmuhtheihnak tampi a rak ngeimi a si lo caah Virus in US ah minung tamtuk an thi. Minung tamtuk an zawn fawn.

Joe Biden cu a hlan ah Vice President zong kum 8 chung a rak tuan cangmi a si caah hmuhtheihnak tampi a ngei cangmi a si. VIrus kong ahhin Trump nak in Biden nih a kan tawlrel khawh deuh lai timi hi US mipi nih an zumh an rauh caah Trump nak in Biden hi an vote deuhnak a si. Tiah ak zumh” tiin Pu Zo Tum Hmung nih a chim.

Cun A pehchapmi cu Joe Biden hi Misifak hna caah a tha i a bik in kamah US um Chinmi ca zongah a tha. Nihlawh man zong ka kai ter lai a ti . Hi zong hi van ruah ahcun a tha tuk.

Cun Refugee vialte caah a tha. Biden nih tampi ralzam lak aa tim. Malaysia le Delhi ah a tangrihmi Chin Refugee ca zongah a thatukmi a si. Ruahchannak lianpi a um ko tiah a chim. CRD: TCS