A hmun Lomi Vawlei Le A Chung Thilri Hna.

A kan phurtu Mawṭaw le Vanlawng zong hi nikhat khat ahcun an rawk. Kan idornak Inn le Lo zong hi nikhat ahcun an rawk ko. Khua le ram zong nikhat kha ahcun rawknelnul in a um ko. Mitthli lawngte an cang dih ko.

Sihmanhsehlaw atu i kan ton liomi harnak hna hi cu a fa tuk rih chimtlak hmanh an si rih lo. Zeicatiah Mi sifak nih harnak an ton lioah aa nuammi Mirum a um rih. A ṭapmi an um lio ah a ni mi an um rih ko. Vanchia mi an thi lio ah, a luatmi Mi vanțha a um rih ko. Sihmanhsehlaw hohmanh nih luat khawh lomi caan cu kan hmai ah a um rih, cucu hihi a si.

Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai. 2 Ahopaoh nih cu bantuk thil cu ton a si ko lai tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh,

A zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cubantuk cu an ton dih ko lai. 3 Vawlei cu a kek a kuai dih lai i a rawk dih lai.

Cu bia cu Bawipa nih a chimmi a si i a chim bangin a si ko lai tihi a si. Isaiah 24:1.2.3 Cucaah peih, Vawlei le a chung thilri hi tlaihchan hna hlah u a kan ti cu. Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung a ti. 2 Johan 2:15.17.

Cucaah unau dawtmi hna David nih a ram le miphun caah Siangpahrang rian a tuan buin a Bawipa sinah lawmhnak bia chim le thangṭhat a tlolh lo bantuk khan, nunchung ca i kan herhmi kan pumsa caah teimak in rian kan ṭuan buin Bawipa sin lawmhnak biachim le thangṭhat le hlorh hi biapi khun ah chia zungzal u sih.

Bawipa a tlaihchantu, “Korah nih cun tihin hla a sak; Na biakinn chungah ni khat umcu hmun dang i ni thongkhat umnakin a ṭha deuh. Miṭhalo mi hna Inn chung i um nakcun ka Pathian Inn kutka hram dir hmanh ka duh deuh tiah a ti. Salm 84:10 Credit: F Bawi Khamh

Be the first to comment

Leave a Reply

Your email address will not be published.


*