A Fiang Kho Taktak; Min Aung Hlaing Nih Aana A Ting Bak In NCA Cu A Rawk Colh!

NCA cu Ralkap nih Aana an ting Feb 1 in a rawk colh cang tiah politics umtuning in tuak khawh a si. Phunglam loin uknak an lak. Phunglam loin, Cozah thar, SAC an dirh. An ttihmi le an ralmi paoh an tlaih hna i thong an thlak hna. Misual le lainawng tu an thlah hna.

Anmah a dotu paoh an thah hna. Nu le ngakchia tiang an zuah hna lo. An caah zeibantuk phunglam hmanh a um ti lo. 2008 phunghrampi zong ah zul hlei lo. An hmang hlei lo. Anmah kha uktu he phunglam he an si. Cucaah, NCA minthu, hriamtlai vialte caah. NCA a um ti lo. Fed 1 ah Ralkap nih an buar cang. An hrawh cang. Ralkap nih an dirhmi SAC zong hi legal Cozah an si lo. Terrorist an si.

NCA minthu, hriamtlai dihlak nih NCA a nung ko tiah an pawm ahcun, indirect tein Ralkap Cozah, SAC kha legal ah an cohlang bantuk a si lai. Cucaah, Ralkap nih Phunglam loin aana an ting caah, NCA zong an buar chih a si caah, NCA cu anmah Ralkap nih an hrawh cang tiah NCA minthu hriamtlai hna nih Statements hmanh an chuah cio ding a si cang tiah ka ruah. Lungawttawm awk a um ti lo. Hnabeisei awk zong a um ti lo. Lungsau zong a hau ti lo, ka ti. Credit: Zasang Cinzah

Rel chih Ding Hmuh Ning: Lai media cheukhat le” Abik in fim ttunglo i fim aacuh mi” Ram leng um cheu khat. Kanram hi arawk taktak ah cun” Kanram atlaihhrem tu Uico Myint Aung Hlaing ruang ah asi lailo. Nanmah pawl ruang ah hin asi lai. Aruang cu” Uico pa nih” Aanaa ating mihi” Kawlram mipi ni kanduh mi tling khitkhet tein kan hmuh khawh nak ding caan ttha zong asi kho. Culio ah kiklo lumlo fim aacuh mi pawl nih” Heh tiah CNA/ F nan soisel hna. Nafim maw? ” Fimhlah” Mipi thinlung a kan vai vuanh tertu nasi.” Bawlung aachui mi kha” Leng in nazoh i” Nathiam lo tuk tiin” Nasik lawng hmanh silo” Vuak le thah tiang na duh. Bawlung cu ” Mit in chuihmi asi lo. Ke in chuihmi asi.

Culong silo”Cheukhat nih kalay peng ah harnak atawng mi kan unau caah bawmhnak na kawl i” Thildang le Ei ledin caah cun attha tuk. Cu silo in Uico pawl kah nak ding meithal caah tiin” mah le Fb cio in heh tiah bawmh nak nan kawl. Hi kong kachim tikah hin” Nan katheih sual nak hnga lo kan nawl hna. Mah le peng tlang cio in Uico pawl hi” Meithal in doh usih law kantei lai maw ruah awk aum. Raldoh i sungh tluk in asung mi aum lo i” Raldah i teitluk in amiak mi aum lo. Ral kandoh cu tei kan duh ruang ah asi i” Raltei ding ah cun” kanmah le kanmah kan i tei hma sa aherh.

Mah le mah itei cu” Kanlung aarual lomi kha kanlung i rual hma sa ahau. Atu long kandoh ttung lo. Caan saupi rakdoh cang mi asi. Kantei maw? Teihlah. Kanlung aarual lo cu. Sian ram zong nan theih ko lai.Hriamtlaih phu 7 anum. kawl ralkap doh tti lo in” Anmah le anmah an ikap tawn. An caah teinak cu va ah theitlai ban tuk khi asi. Kannih Chin mi zong hi” Kik lo lum lo pawl nih” Hriamtlaih phu 7 ah nankan chuah ve te lai i” Raltei cu chimlo” Kanmah le kanmah i kah caan hna achuak sual lai tihi phang aum tuk mi asi. Kalay peng nih Uico pawl kah nak ding ah” Meithal azalh piak tu hna” Khua fak deuh in ruat uh.

Damnak sii kan zalh piak hna tiin iruat sual lai ucih. Zawtnak le thih nak sii nan zalh piak tu asi. Teinak puai asi lomi ah” Thisen le nunnak tam tuk kan sungh cang. Kanlung rual khawh nak ding le” Teinak kan hmuh khawh nak ding caah ” An cawlcangh cuah mah lio asi. Teinak cu Pathian sinin le lung rual nak in kan hmuh lai. Keimah duhning le kahmuh ning kachim mi asi i” Cattial kaapalh mi le” Kachim sualmi aum ah cun” Nanka ngaih thiam nak lai Bawikhrih minin kan nawl hna.