ABSDF nih Fim Kan Chim Seh – 4; Ralkap uknak chiakha doh aa tim mi siangngakchia pawl kha ram tang an phak tikah nawlngeih an duh cio. Voi khatnak ABSDF thimnak an tuah in ngawlngeihnak kong ah an buai. Voi 2-nak zong ah an buai rih. Voi 3 nak thimnak an tuah ah phu 2 ah an i cheu lawlaw.
MoeThee Zun le Naing Auung phu in an i cheu. Moe Thee Zun hrim nih ngawlngeihnak a rak duh tuk ve. Cun democracy kan dirpi an ti nain democracy ning in an cawlcang lo. Hiti an buai lio ah Spy kong ah anmah chung lila ah Kachin lei khua a sa mi siangngakchia pawl an rak buai cang. Spy an si taktak maw ti a fiang na loin an thahnawn dih hna. Tuksapur in an thah hna. Anmah chung ah lunghrinhnak a tam tuk ca buainak tampi an rak tong.
Cun hruaitu cheukhat cu ningcang loin phaisa an rak hman. Anmah pumpak hlawknak ca a hmang mi zong an um len. Hruaitu nuam ngai in khua an sak lio ah ralkap cheukhat cu har ngai in khua an sa. A hnu cu Thailand ah refugee sok ah an kai cio hna. (har an celh ti lo…)
Nawlngeihnak kong ah an buai, phaisa kong ah an buai, harnak phunphun an tong, anmah le anmah an i lungrumh hna, cuticun hlawhtling kho loin kum caan saupi an kalpi.Salai Thawngpi/Ramthlo
Leave a Reply