A Chungchuak A Fanu Kum 26 Chung Chizawh He Hmunkhat Ah A Zuat Tti Hna, Lungchuak Bak Loin A Chiah

Russia ram ah hringtu tu pakhat nih a chungchuak a fanu bak kum 26 chung chizawh he hmunkhat ah a zuat tti hna pinah chizawh rawl lawng a rak pek lengmang ve. A fanu min hi Nadezhda Bushueva a si I a nu nih lengchuak bak loin chizawh he hmunkhat ah kum 26 chung a rak zuat tti mi a si.

Hi hna nufa hi Russia ram Arefinsky timi khua ah a um mi an si I hringtu nu hi a min ah Tatyana a si, cun a fanu hi kum 16 a si tiang kha cu a caan caan ah hin lengchuah nak nawl a rak pek pah tawn ko. Asinain kum 16 a si hnu khan cun chizawh lakah a chiah I voikhat hmanh lengchuah cu chim lo innchung hmanh ah a tlonlen ter duh ti lo.

Cun hringtu nu hi mi ngandam lo a sip ah caah siizung ai piah karlak caan le siizung a um karlak ah hin a fanu le chizawh pawl cu raw lei loin an rak um ce lengmang tawn. Hringtu nu a umlo kar zong ah hin a fanu cu lengchuah in tlik le zam ding zong hi a ruat kho ti lo, kum sautuk chizawh lakah chiah le hren a si cang caah a lungthin zong a hman tuk ti lo.

Hringtu a nu hi mi ngandam lo a si caah cozah bawmhnak a hmu lengmang mi a si I bawmhnak lak ding in amah pumpak a kal lengmang tawn. Cu a kal lio ah cun police pawl he bia an I ruah nak a biachim sual mi ruang ah lunghrinh nak an ngei cawlh hi police pawl nih cun a inn ah an kal hnawh cawlh ve.

Police pawl nih inn chung an chek tik cu ar a thi mi le chizawh a thi mi tam ngai zong an hmuh. Cun a fanu zong cu chizawh lak ah a rak hren chih mi zong cu an hmuh hi a si. Nadezhda Bushueva hi a nu nih chizawh lakah a hren nak ruang ah 2006 kum hrawng khan nihin tiang voikhat hmanh ti ai kholh bal ti lo. Cun a nu nih a hren tuk nak ah zeng zawtnak(lea-phiat) nih a rak phak cang caah lam zong a kal kho ti lo.

Cu ruang ah hringtu nu cu police nih an tleih I zeitin dah a cung bia chah nak a si lai ti cu an langhter rih lo.

Source: D Nae Khit

 

 161 total views,  2 views today

This function has been disabled for Chin 11 News.