A Biapi Tuk: Texas Ramkulh Uktu Greg Nih Nizan Ah Uknak Lei Nawlbia GA-18 A Chuah

Texas ramkulh uktu Greg nih nizan ah uknak lei nawlbia GA-18 a chuah. Hi nawlbia ( order) hi May 1,2020 thawkin a nung lai. A dot (1) nak on thannak ti a si. A dot dot in on thannak an tawlrel cuahmah lio. Atu hi dot (1) nak in thawk lio a si. Cucaah mipi nih theih herhmi tete an um ngai.

COVID-19 LEHNAK
A Dot (1) on thannak
Texas ramkulh uktu Greg Abbott nih uknak lei nawlbia (order) GA-18 a chuahmi cu May 1,2020 ninga ni 12:01am ah a nung thawk lai. A tanglei chawlehthalnak pawl cu a tlawm bik ngandamnak lei zulhphung an ti ning dot (1) bantukin an on lai. Ramkulh ( state) nih zulhphung pawl tling tein a tuahmi hna cu online : gov.texas.gov/opentexas ah zoh khawh a si.

Riantuantu hna telin dawr chungah luhnak nawl pekmi zat i 25% lawng a ngah rih lai

Thil zuarnak dawr pawl

– Thil zuarnak dawr vialte on khawh a si lai (Rawl eidinnak dawr pawl)

– Rawl einak cabuai pawl cu pakhat le pakhat pee (6) hlatter ding

– Cabuai a lawngmi ah cite/ketchup tibantuk pakan siloah dor pawl, ngun darkeu siloah rawl einak darkeu , thlalang in sermi umkheng chiah lo ding

– Rawl cah tik lawngah cite/ketchup tibantuk chiahnak pakan le dor pawl pekding le voikhat ca lawngah hman ding ( hman than khawh lo ding) zat in pek a si lai.

– Bufe ( buffet) zuarnak rawl dawr a si ahcun riantuantu hna nih dawr ah a rak eidintu hna sinah pekding( Mah tein rawl i lak a ngah lo).

– Mawtawka parking tuahpiak a ngah rih lo ( valet ), nain tlamtling lomi siloah dam lomi timi catar ummi mawtawka lawng mawtawka parking lei riantuantu ( valet) hna nih an parking piak khawh lai.

– Riantuantu vialte cu hmaihuh i huh dingin tawlrel piakding

– Rawl dawr ah rawl a rak eidin mi hna caah luhchuah tikah kutka on piakding timi rian telin rawl dawr kongah tuanvo lakding in riantuantu pakhat ngeih dingin ruah ding a si lai.

Mall pawl
– Mall chung i thil zuarnak vialte on khawh a si cang

– Mall chung i rawl eidinnak dawr ( food court) pawl, hngakchia lentecelhnak hmun pawl/ tuahtonghnak langhternak pawl cu khar an si rih.

Baisikup (Movie ) zohnak hmun pawl

– Minung pumpak i ton hau loin nawl pek zat zoh khawhnak caah ticket tawlrel dingin tha pekding

– Artlang in a um mi thutnak tlar paoh ah pakhat le pakhat kar ah thutden pahnih a lawngmi chiah ding. Nain innchungkhar khat an si ahcun pakhat le pakhat kiangah thutti khawh a si.

– Artlang in a um mi thutnak tlar ah phu khat an thut cang ahcun mah an thut cang nak i a hmai thutnak tlar le a hnu thutnak tlar kha lawngter ding a si lai.

Thil hlun chiahnak inn pawl le Laibarari pawl ( Museums and Libraries)

– Khualipi pakhat cio khuakhan lairelnak in mipi laibarari pawl cu on ding a si lai.

– Innchungkhar khat a si lomi he a tlawm bik pee 6 dan in um ding

– Tuahtonghnak langhternak ( Interactive displays) cu khar a si rih lai.

Innleng lentecelhnak pawl i telnak

– Voikhat ah minung 4 nak tam deuh i tal lo ding—pakhat le pakhat taksa i tongh lo ding

– Kawlf ( golf) lentecelhnak – kawlf thilri pawl cu pakhat nih a hman hnu paoh ah zawtnak rungrul um lonak caah thianghhlimnak tuah ding- minung pakhat nih kawlf mawtawhme/leng pakhat cio hman ding ( innchungkhar pakhat in si lo ahcun)

– Kawlf tuknak hmun le tukmi pum (ball) pawl cu pakhat nih a hman hnu paoh ah thianghhlim le zawtnak rungrul um lo nakhnga tuah ding

– Pakhat le pakhat pee 6 hlatin kawlf tuk tikah tuk ding

Biakinn / Ipumnak hmun pawl
-Artlang in a um mi thutnak tlar paoh ah pakhat le pakhat kar ah pee 6 dan in i hlat ding. Nain innchungkhar khat an si ahcun pakhat le pakhat neihniam in an thu ti kho. An kehlei le vorhlei kam ah thutnak pahnih a lawngin an chiah cu a hau lai (an kiang ah minung pahnih thutnak kau hmunhma lawng ter ding)

– Artlang in a um mi thutnak tlar ah phu khat an thut cang ahcun mah an thut cang nak i a hmai thutnak tlar le a hnu thutnak tlar kha lawngter ding a si lai.

– A pummi chungin i ralrin thiam piak khun a herhmi hna caah ahleice in hmunhma tawlrel piaknak ngeih ding

A herh ngaingai mi chawlehthalnak dawr pawl nih zeitindah rian an tuan lai timi kong ah cun a thlenmi a um lo. Uknak lei nawlbia (order) GA-18 chuahmi nih hin inn ah um timi nawl chuah lio te khan a rak tuan cangmi chawlehthalnak pawl (businesses ) he cun a pehtlai lo. Texas ramkulh nih a herh ngaingai mi chawlehthalnak pawl tiin phun (17) thennak a tuahmi a um. Mah pawl cazin hmuhnak caah tdem.texas.gov ah leng.

A herh ngaingai mi chawlehthalnak dawr pawl tahchunhnak pawl
Eidin dawr pawl, thilri chiahnak inn dawr pawl, thir in sermi thilri zuar dawr pawl – a nganmi bom a zuarmi innchungkhar caah a herh ngaimi ca hrenhnak thim kuai pawl- thingkung thlaici erhnak hmun pawl- zu dawr pawl- chawlehthalnak dawr pawl a si i inn in riantuannak caah a herhmi thilri a zuartu pawl- mawtawka thilri le remhnak dawr pawl- saikel ( bicycle) remhnak dawr pawl – RV remhnak le zuarnak dawr pawl.

Kham rihmi cawlcanghnak pawl tahchunhnak pawl
Zeizat an si zongah mipi siloah pumpak i tonak pawl – tam deuh tar umnak inn lennak pawl – mipi tilionnak kal– zu dawr pawl le dawr – mipi lentecelhnak kal, Bowling lole video lentecelhnak hmun kal, taksa hmeh/malit nak dawr pawl- pum cung i mawngcik i chunhnak dawr ( tattoo) le hna vihnak dawr- sam mehnak dawr kal siloah barbershop kal- tin tuahnak dawr kal.

Source: Lewisville Chin Thawngpang Buk

 305 total views,  1 views today

This function has been disabled for Chin 11 News.