A Bia Cu A Mak Bak Hih! Anna Ting “Coup” Biafang Kongah Laikhal Nan Buai!

Anna ting “Coup” biafang kong ah Laikhal nan buai..Azei lutaw hngal loin a buaimi zong cu nan um. Ruahdamh in a chuahpimi zong cu nan um. UNSC Press Release cu “Resolution” a si rih lo a ti zong cu nan um. Mah biafang ruangah Chin ramkhel “buu” pakhat a simi hna tharthak bang a duahtu milai vei pipi zong cu nan um. Nih hi nan chuak kho tuk.

“Russia le China” ruangah ti hrawnghrang khin, Kawi Pialsual Hmasatawn nih a chuahpimi kha nan char colh i si lai. “State of Emergency” timi biafang khi NLD nih an duh lonak ding a ruang um ve lai. Nain, tuak huaha lo khin an hman ko lai cu. Technical term taktak ngai khin a tuak an um theng lai lo. Dr Myo Nyunt belte kha ai ralring ngai ti awk si. A hramthawk tein.

“State of Emergency” timi biafang NLD nih an cohlan si cun, 2020 thimnak i an MP vialte khi hnon an si cang tiah kan pom ti he aa lo lai. “Ralkap nih UEC an dirh ṭhan dingmi kan pom lo. NLD an rak dirhmi EUC kha dotla a si. 2020 thimnak ningin cozah kan ser lai” ti in NLD nih itlaih an duh. Tikah “aana ting” tiah fak deuh in biafang an hmanmi khi zoh dawh deuh a lo.

Cucu NLD nih ai chan tertur tawnmi a si. 1990 lio zong kha si ko. Cucu a va si khawh cun ṭha tuk hnga teh. A si kho ti lai maw, ti khi tuak hau. Ralkap nih uknak a lak cang hnu cun, cucu a si kho ti lai lo. Thairam zong ah cuti cun a si tawn lengmang, an ti. Mah cucu theih herh bikmi a si. A si kho ti lo dingmi ah ichan tertur, a lam kawl fawn lo, au sawh, khuan sawh, ralkap va volhpamh sawh khan zeihmanh aphi a chuak lo.

Ralkap uknak a sauhter deuh chinchinnak tu a chuak tawn. Thi a linh lio ah mi a tuktu lih bia tam tak a chuak ṭheo. US nih Kawlram a lak lai, tbk hrawnghrang 88 liote khan. A si kho lo dingmi seihkuyin cung i va buai leennak cun “crisis” tu kha lungdai le fimkan in ahri phoihzia thiam tu a herh deuh. Ramchung lei phungthiam cheukhat nih an phanmi cu tutan ralkap uknak an lakmi hi “coup” taktak ah aa cang te sual lai, ti khi si.

“Coup” taktak i aa can si cun, ralkap nih an huam chung Kawlram cu an uk lai tinak si cu… Cucu, kan duh lo, nan duh lo si cun, anmah ralkap nih “State of Emergency” an timi kha “elaw” ti an hau. Cu zong cu ho nih “elaw”, “Amen” an ti lo. UNSC zong nih a ti lo. CNLD zong nih an ti lo. Cu zong cu kan duh lo an ti ko cu. Kei nih ka ṭialmi cu aphi kawlnak kha a si. Ralkap nih uknak a lak ko cang hnu cun, “State of Emergency” an ti pek “Coup” an ti pek ah ia khat kan ti lai. Asi, ai khat kho ko.

Nain, ai khat thlu kho lo. State of Emergency nihcun caan rikhiah a ngei. Cu tiang ifian ko ahcun, mah le duhmi khi ithim ding a si. Zeiti hmanh in kan cohlang lo tiah cun, KNU lei hrawnghrang, ralkap neilo Kachin phu pakhat hrawnghrang phun khan “Statement” chuah. ‘Chinland cu Kawlram in kan chuak” ti ko ngat uh. Chinram ah meithal he kan ramri va congh dih, ralkap va ṭhawl dih ding khi nan si ko.

Hodah ai thawh lai? Hohmanh nan ithawh ngam fawn lai loh. Khuazei maw ram daw bik phun in ikehkuaiter tuk a herh lo. KNU le Kachin statement chuahtu pawl nihkhan tah an ram cu an ser taktak maw? Thlitu lak voih voih phun in statement hna chuah ding si lo cuh. Ralkap caanṭha laknak lam ah a cang ding lawngte. Credit: Salai C Alexander