4D In Taang-10 A Awng Mi Sifak Nute Kha Phyo Phyo Htwe Nih Bawmhnak A Pek

Tulio ah Kawlram chung i mintami tampi hna le minthang tampi hna nakin a hun lar deuh mi le mipi nih uar bak mi cu model Phyo Phyo Htwe hi a si.

Phyo Phyo Htwe hi a mui cu a dawh tuk lemlo nain a nunzia le a lungput a that tuk ruang ah mipi nih an uar khun nak zong hi a si. Mi sifak le harsa hna cung ah dawtnak lungthin taktak a ngei i a si khawh chung in bawmhnak zong a pek lengmang hna. Pitar putar hna le sifak rethei hna cung ah dawtnak lungthin a ngeih mi hrim nih hin mipi lungthin chung ah hmunhma a ngeih ter tuk caah nihin ah cun Kawlram chung ah Kyaw Ngia minthang bik zong a hun si cang.

Tuchun ah khan Phyo Phyo Htwe nih cun 4D in taang-10 a awng ve ko nain sifah tu ruang ah Collage kainak ding ah lungrethei ngai in a um mi Mah Moe Moe cu sianginn pekthan nak ding ah tiin tangka le ei-din ding bawmhnak zong a va pek than.

Mah Moe Moe hi kan hnu deuh te kha cu Kawl media ah a hun lar ngai ve mi a si, a ruang cu 4D in taang-10 a awng i lunglawmh nak in akhat, asinain collage kai nak ding ah lungrethei ngai in a um, an chungkhar ah zingzan ei-din ding an harsat pinah nihin an i hlawhfa mi thaizing ah a ei cawp ve mi an si.

Cu ruang ah collage kai nak ding kong a ruah lunrethei ngai in a rak um nak zong a si.

 301 total views,  1 views today

This function has been disabled for Chin 11 News.