Philippine President Nih Sii Tha A Zuartu Poh Cu Kap Thluahmah Hna Uh Tiah Order A Chuah

Philippine ram president Rodrigo Duterte Nih cabinet meeting an neih nak ah an ram chung i sii tha lo a lut pi tu cu kap thluahmah hna uh tiah nawl a pek hna.

A mah hi sii tha lo a doh tuk mi a si i kum 4 chung ah sii tha lo he a peh tlaih mi minung 5,700 tluk cu an kah cang hna. Cu ti a si bu ah Philippine ram chungah sii tha lo a tong mi an tam tuk ruangah Rodrigo Duterte nih Customer Officer pawl nih sii tha lo a phurh tu cu nan kah kho rih hna lo.

An ram chungah sii tha lo a tongh mi an tam tuk caah, sii tha lo an phurh a si ahcun kah colh hluahmah hna uh. Zei zong vial te hi kei mah nih ka buai pi lai i thong ah nan tang kho lai lo a ti hna.

President a tuan caan kum 2 hrawng a duh rih caah i dinh lo in a buaipi hluahmah cang tiah an chim. Human Rights Groups pawl nih an bia chuah mi cu an doh kalh tuk i Internation Criminal Court sin ah case tuah piak ding in a sual nak an kawl.

Human Rights Groups pawl nih an kah mi hna, sii tha lo a tongh mi pawl an kut chung ah meithal an i chiah ve, cucu i kah nak ah hi ti bantuk in an langhter tiah an chim. Cozah pi nih misual pawl an tetti a thuhpiak leng mang hna ruangah case an tuak piak kho hna lo na, bia zawng an langh ter.

 92 total views,  1 views today

This function has been disabled for Chin 11 News.