Kawlram Chung Ah Chin State Ah Hin Ei Hmurnak Le Ziknawh A Tambik

Catialtu: Rual Lian Thang

𝐄𝐢𝐡𝐦𝐮𝐫𝐧𝐚𝐤 (𝐜𝐨𝐫𝐫𝐮𝐩𝐭𝐢𝐨𝐧) 𝐇𝐢 𝐌𝐢𝐩𝐢 𝐍𝐢𝐡 𝐊𝐚𝐧 𝐃𝐨𝐡 𝐀 𝐇𝐞𝐫𝐡

“The Asia Foundation” hi kawlram long si loin Asia le kadang ram tampi ah hlat-hlai-nak (research) a tuahmi buu an si. Abik in kawlram kong le ASEAN ram pawl kong he pehtlai in hlat-hlai-nak (research) an tuahmi pawl hi zumhtlak an si pinah academic paper tampi nih reference ah lak mi an si.

Nizaan nai kawlram chung states le regions pawl rian ttuannak he pehtlai in halt-hlai-nak (research) report an chauh. Cu an report ah Chin State kong he pehtlai in, ei hmurnak (corruption) le ning cang lo tangka i peknak le halnak (informal payment), pawngkam zohkhenhnak (environmental compliance), rian peknak (labor recruitment) tbk pawl vialte ah a zual bik kan si.

A pawi khunmi cu eihmurnak (corruption) ah a zual bik mi ah Chin State asi tiak an tial. Hi kong hi Media tampi nih mipi sinah fiang tein thawng thanhnak an tuah te tthio lai ti ka ruat nain, duh tluk in mipi sinah an lanh ter lo. Chin State caah pekmi budget pawl le nawl ngeihnak vialte, democracy phung ning tein thimmi kan cozah nih ning cang loin an hman le an eihmure mihi mipi nih kan zoh sawh ding cu asi hrim lo i kan lung a fah ding hrim asi. A ruang cu, Chin state ummi mipi caah tiah chuah piakmi mipi budget kha nawl ngei tu mi tlawmte le an chungkhar sahlawh rual pawl sinah ning cang loin an kan fir piak caah asi.

Eihmur (corruption) a tamnak ram le miphun zeitik hmanh ah an tthancho bal lo i, mipi nih eihmurnak (corruption) kan doh lo ah cun zei tik hmanh ah a tlau kho te ding asi lo. Ram tthanchonak lei zong in dawn khantu asi zungzal lai. Abik in khrifa atimi Chin ram le miphun nih eihmurnak lei in a zual bik kan si hi miphun mihmai amui i ningzah ngai ding zong asi.

 263 total views,  1 views today

This function has been disabled for Chin 11 News.