2023 Thimhnak Hi Ṭihnung Tuk Asi Caah Tuahter Hlah Uh Kan Ti Nak Cu Asi. Federal a duh mi CHINMI le Tlangcungmi caa ko ah Ṭih a nung khun mi asi

2023 Thimhnak Si Khawh Ding Ah Cazin Lak Tu Non CDMers Hna Sin Cakuat
2023 Thimhnak Hi Ṭihnung Tuk Asi Caah Tuahter Hlah Uh Kan Ti Nak Cu Asi. Federal a duh mi CHINMI le Tlangcungmi caa ko ah Ṭih a nung khun mi asi. 2023 Thimhnak tuah khawh asi hnu ah, Tamada Asi hlan ah Kum 2 le thla 4 cu MAH nih an kan uk rih lai.

NUG nih 2008 phunghrampi cu a thah cang. 2023 thimhnak cu 2008 phunghrampi ning in asi caah mipi nih kan cohlan awk asi lo. Kan paw caah Non CDMers kan si ko lai nain 2023 thimhnak cu kan cohlan awk asi lo. 2023 thimhnak si khawh ding in Cazin lak zong kan bawmh awk asi lo. Hakha, Falam, Tedim le CHIN khuapi hna ah 2023 thimhnak tuah khawh ding in Cazin nan lakmi cu Zungzal kawl saal si uh sih tinak le Ralhrang nih kan chanchung kan uk hna seh tinak asi caah ngaihthiam awk cu nan si lo. Kan Pasalṭha le Nusalṭha hna nih thisen le nunnak an pek, Non CDMers nih Nan bawi ṭhutdan le phaisa ruang ah CHINMI zungzal saal sinak lam kha nan zawh ko.

MAH le Ralhrang rual nih CHINRAM ah rat in thimhnak an rak tuah lem lailo. Chinram khuapi cheukhat (Hakha, Falam, Tedim, Lailenpi, tbk) ah 2023 thimhnak an tuah khawh asi ahcun, Non CDMers ruangah asi lai. GZ mino nih a herh ning in (NUG nawl pek cia bantukin) nan cung ah pakhatkhat an tuah sual ahcun nanmah CDMers palh asi ko lai. Kum 35 – 70 leng thisen le nunnak tampi he Kan ram le miphun damnak le zalonnak caah, Dohthlennak a tuah mi Kan ralkap bu an hmai nan khap ko maw? Pau Dohthlennak ah nunnak le thisen a pek cia mi kan fanau hna thisen nih vawlei in an au thawng hi Non CDMers nih rak theih cang uh tiah kan nawl ko hna.

2023 thimhnak Ṭihnung asi ning cu tang lei bantukin asi. 1 February 2023 ah MAH nih Kaalung Meeting a kawh lai. Pohma 426 ningin Kaalung ah uknak a chanh lai. Pohma 427 – 432 ningin Kaalung nih Kawlram a uk lai. Kaalung nih thla 6 hlan ah thimhnak a tuah lai, tiah Upadi ahcun aum. Nain MAH nih azulh te lai lo. MAH cu Tanbo bang aa tlaih mi 2008 phunghrampi a buar dih tu pa asi. Tamada hnathlak nak um loin Kaalung tuah khawh asilo. Tamada thong inn ah aum. Tamada nih Kaalung meeting a kawh mi cu Hlutdaw nih a hngalh pi lai, Hlutdaw cu CRPH asi. MAH nih Hlutdaw a ngeih lo. VP nih Kaalung auh nak nawl le MAH sin ah uknak pek nak nawl a ngei lo.

PEACE a um rih lo caah MAH nih kan uk rih seh tiah, Uitum Min Swe nih Kaalung ah a ti te lai. Pohma 418 cu tanbo ah an hman te lai. Pohma 419 ning in MAH nih uknak nawl a um lo. Pohma 431 ning in Tamada min in a uk lai ti asi nain Tamada thonginn ah aum. Pohma 427 ning in cun Kaalung nih a uk lai ti asi. Kaalung Bawizik cu MAH asi caah, MAH nih amah duhning in a uk ko lai. Cozah thar a siam lai, mithar a thim hna lai, a duh lo mi a phuah hna lai.

Election Commission thar zong a thimh ding asi nain a tuah te lai lo, zoh te uh.
2023 thimhnak an tuah khawh ahcun Tuluk, Russia, India, Iran le an hawikom ram hna le ASEAN hnarcheu nih cozah tiah an cohlan te lai. Non CDMers hnarcheu, Palik le Rallokap hnarcheu, USDP le Rallokap minung hna nih Upadi ning in asi tiah an cohlan lai. A hnu bik ah Upadi ning in pei a si ko hi tiah mipi tampi nih an ti ve te lai. UN, USA, EU, UK, tbk cu an cungpit a zual te lai.
Sualnak ngeih lo mipi an thah mi vialte cu, Upadi ning in asi an ti te lai.

Relcawk lo lai an nawng mi, an hremthat mi, thongthlak mi, nu an tlaihrem mi, Innlo le khua relcawk lo mei an duah mi vialte cu Upadi ning in an ti lai caah Tazacuai khawh an si ti lai lo. ICJ ICC Argentina, Indonesia, tbk ah Tazacuai khawh asi ti lai lo. Sualnak tuksapur an tuah mi vialte Upadi ning in an ti te lai.
Thimhnak cu voi khat tein asi khawh lai lo caah voi 2-3 in an tuah te lai.

Thimhnak an tuah dih hnu ah Hlutdaw an au lai, Hlutdaw nih Tamada le Luban vialte an thim te hna lai. Cucu Kum 2 le thla 4 a rau lai. MAH nih Tamada asi hlan ah kum 2 le thla 4 an kan uk rih lai. A uk cia mi kum 2 fonh ahcun kum 4 thla 4 an kan uk hnu ah Tamada asi lai. Kum 5 an kan uk lai, term nolh thimhnak ah Tamada asi ṭhan lai. A thih hlan lo an kan tuk te lai thimhnak an tuah khawh ahcun.
Crd.. Joseph R. Thang

Be the first to comment

Leave a Reply

Your email address will not be published.


*