2021-2025 tiang, Chin Ramkulh Chief Minister caah ka Saduhthah Pu Soe Htet

Pu Soe Htet nih CM a t’uan ahcun

1. Amah hrimhrim hi a tuanbia zoh tik ah Mifel a si ti hmuh khawh a si. Khrihfa a si. Aa uahfaih lo, a cawlcangh ah a vikvak, a ralt’ha, miphun a daw ti in ka hmuh caah CM aa tlak bak tiah ka ruah.

2. Thlanglei Laitlang le Paletwa lei t’hanchonak khul a nuar tukmi hi a sersiam khawh deuh lai, chak le thlang pehtlaihnak lamsul a t’hatter deuh khawh lai i, Thlanglei Laimi le Chaklei Laimi pehtlaihnak a fek deuh lai caah lungrualnak zong a um deuh hlei ah Peng kip rualraannak zong a um deuh lai ka zumh.

3. Paletwa peng hi Rekhine nih Acozah uknak (Administration) lei in a khuhchilh deuh hna. Rekhine holh zong nih Khumi holh a iap cang caah mah vialte chung in Paletwa hi Pu Soe Htet nih Chin Acozah uknak (Administration) tang ah a hruai luh khawh deuh lai tiah ka zumh.

4. AA ralkap nih duh poh in Paletwa ram an cawlcanghmi ah CNF /CNA a hlamtu cu Pu Soe Htet hi a si. Cucaah Chin Ramkulh Chief Minister a si ahcun CNF le Chin ramkulh Acozah pehtlaihnak zong a t’ha deuh lai ti ka zumh.

5. Paletwa Khumi cheukhat zong nih “Chin” ka si ti uar theng loin “Khumi” lawng an focus tawnmi lungthin a zor deuh lai ka zumh. Aruang cu Chaklei Chinmi unau dang he pehtlaihnak a t’hat deuh lai caah Chin sinak thinlungnput ken zia a thiamter deuh hna lai ti ka zumh. Ka saduhthah tlamtling hram ko seh! Credit: Salai Thomas Lian