2020 Thimnak Ah NLD Cozah Nih Tlang Cung Mi He Coalition Tuah A Duh Te Lai Maw?

2020 thimnak zong kan van naih cuahmah ve cang. asinain tu lio COVID-19 zawtnak ruang ah thil sining hna I thleng in thimnak zong cu zeitin dah tuah a si te hnga hngalhcia a har ngai.
NLD Cozah nih Cozah a ser khawh ahcun Phunghram remh hi aa hmaithlak mi a sinain aa ruah ning cun a remh kho ve lo. NLD Cozah nih phunghram a remh khawh lo ruang ah Tlang Cung Party cheukhat ramkheel lei minung nih an ruah mi an zumh mi cu, NLD nih Tlangcung Party he Coalition tuah a rak duh lo mi kha 2020 thimnak ahcun a duh cang lai I Miphun Party caah lam a awng ko cang lai tiah an zumh.

NLD nih Phunghram remh khawh le khawh lo ruang ah Coalition tuah a duh lai ka zum lo. Cozah ser khawhnak ding ahcun Coalition cu a duh men ko lai. asinain Phunghram remhnak ahcun Coalition tuah cu a duh lai ka zum lo. Zeicatiah Cozah cu a tlaih khawh thiamthiam ko cu mu.

Coalition tuah zong ah phunghhram remhnak lam ahar thimthiam ko. zeicatiah Ralkap 25% thutden a ngei cia an si cang va si kaw USDP nih thutden 1 an hmuh hmanh ah Tlangcung mi le NLD Party vote dih lak fonh ah 75% a tling ti lo. 74 % lawng a si rih. USDP Party nih thutden hi 1 lawng taktak cu an hmu lai lo, a tlawmbik 2% tal cu thutden an tlaih lai va si kaw 75% tlinnak lam a bi deuhdeuh.

75% vote tlin hnu le mipi duhnak tamdeuh lak hnu lwang ah Phunghram remh khawh a si caah Ralkap, USDP zong nih an duh ning in Phunghram an remh kho ve ti lo, zeicatiah 75% an tling kho ve ti lo, NLD zong nih 75% a tlinh khawh lo bantuk in. Coalition tuah ding ahcun zumhtlak Party si hmasa a herh ngaingai. NLD a doh tuk mi he Coalition tuahcu NLD nih a cohlang te hnga maw? hi ti kan ti tik ah Politics ahcun I doh le soisel phung a si ko nan ti men lai.
Cheu khat Tlangcung party cu mipi herh mi aupi nak in party dang vadoh kha an thiam deuh. taktak le ngaingai ti ahcun mipi kan duh herh mi fiang pup in nan au le chimrel khawh ahcun Party dang kha doh ahau ti lo, dohcia a si ko.

Asinain NLD nih Term khat cozah a tlaih chung ah ah fak tuk in doh le kalh a tong. asinain a pah chih khawh thluahmah ko. ataktak le ngaingai ti ahcun kan ram uknak lak I cozah tlaih cu a fawi bak lo. ramdang he tahchun awk a tlak lo. zeicatiah hling le so lak ah riantuan khi a si ko. Hi le le so lak ah zei Party nih dah zalong tein rian cu a tuan khawh hnga mu.

Chim duh mi cu, NLD nih Cozah a tlaih khawh ko caah coalition a tuah ka zum lo. a tuah zong ah ralkap 25% an tlau lo ahcun zei hua ha a chuak ding a si lo caah Coalition atuah ka zum lo.
Cucaah, NLD nih phunghram a remh khawh lo caah 2020 thimnak cu tlangcung mi he coalition a tuah lai I miphun Party caah ruah channak a um ko a ti mi hi ruah palh a si kho.

(By:Rolian)

Laknak: The Voice Of Democracy

 189 total views,  1 views today

This function has been disabled for Chin 11 News.