2020 Myanmar Ram Pumpi Thimnak Ah Special Security Palek Minung 40000 Hman An Si Lai

Aralai mi November 8 ah tuah ding mi Myanmar ram pumpi thimnak ah Special Security police thazaang 40000 leng hman a si lai tiah Myanmar Election Commission i tuanvo ngeitu pakhat nih a chim.

Aluan cia 2015 kum thimnak zong ah khan Special Security hi a hlei bak in rak thim mi hna an um ve bantuk in tukum zong ah minung 40000 nak tam hmanh a special bak in thim kan timh hna hi a si tiah nihin Nay Pyi Daw ah meeting an tuah mi ah cun biachah nak an rak tuah mi cu tuanvo ngei pakhat nih DVB thawngzamh sinah a chim.

Myanmar Election Commission chungtel pakhat a si i chimnak nawl ngeitu zong a si mi U Myint Nain nih a chim mi cu “aralai mi November 8 i ram pumpi thimnak hi tlamtling tein a lim khawh nak hnga Special Security caah minung 40000 thim an si lai i special training zong pek than an si lai” tiah a chim hi a si.

Cun pulrai zawtnak kong ah mipi vote thla tu hna nih hnangam lungdai tein vote an thlak khawh nak hnga ding ah timhlamh nak tha tein kan ngei lai tiah zong ngandamnak lei lutlai hna nih an chim ve.

Ram pumpi thimnak ni caah budged hi Ks 50 billion an thlak i cu chung ah cun special security pawl training pek hna nak ding zong a tel chih. Kawl ram chung ah vote a pe kho ding mi hna hi 37 million hrawng an si hna i vote thlak nak zung hi 40000 hun a si lai tiah an langhter.

DVB

 120 total views,  1 views today

This function has been disabled for Chin 11 News.