October 16, 2019




Australia Visa Kong A Herh Ngaingai mi!

Australia Regional Visa aitlaihmi vialte an Bank account dirhmun ‘detail’ le an Cozah nih mipem hna umnak dingi ati mi regional chung an khuasak thut to ning le Permanent residency an sawk mi Cozah nih felfai te in a zoh dih cikcek lai tiah Australia Immigration Minister David Coleman nih biafiang athanh.

Minister David Coleman nih achimchap ningah Permanent residency aatel chih mi Visa thar ah cun Regional chung ah an um hrim hrimnak an fehter ahau lai tiah achim.

A ralaimi November thla i Visa thar on than dingmi ah mipem nih visa an sawk ah cun regional i an thut to ning le an riantuan an fel le fello abiapi taktak te lai, Regional ah kum Thum an um hnu ah Permanent Residency an ngah lai.

Visa thar on than dingmi hi a konglam ‘specific detail‘ tu cu Department of Home Affairs lei nih thawng an vun thanh than te lai, visa ai tlaih mi paoh paoh cozah nih an pumpak kong ‘personal detail’ ahlathlai cikcek lai tiah Immigration Minister nih achim.

“Kum thum Regional Australia i umcang mi Permanent residency an sawk tik ah an Bank detail, an phaisa hman mi payment detail, residential detail vialte cozah sin ah an langhter viar lai” tiah Mr Coleman nih 2GB radio interview nak ah achim.

“Australia ah pem an duhnak ruang cu permanent residency ngah ding bia kamh ruangah asi, asi nain Regional Australia ah a umlo mi hna caah cun Permanent residency ngah khawh asilai lo” tiah Mr Coleman nih achim.

Regional Australia hi Australia Cozah nih mipem mihna Permanent Residency angah rih lo mi hna khuasak nak ding Area akhiah mi asi.

Atu Australia Cozah policy thar ah hin Mipem mi hna caah lawng asiloh, Australia ah siangin akai mi International student hna zawng an si chih dih. International student Australia i siangin akai dingmi zawng regional lei ah kuat dih an si lai.

“Ramleng in Australia ah siangin kai i ara mi hna zong Regional Area lei ah khuasa dingin kan forh fial hna, Regional i khua an sak ah cun an graduate visa kumkhat in chap an si lai i cun kum 2 silo in Kum 3 asi canglai” tiah Immigration Minister nih achim.

68 total views, 1 views today