October 16, 2019




Aung La Nih Biahalnak A Leh Cang! A Chimmi Hi Brandon Vera Caah Tihnung Bak Asi!

Aung La Sang le Vera nih zarhkhat lawng lawng caan an ngei cang. Aung La cu zeitindah na thinlung a cawlcang maw tiah biahalnak an tuah. Aung La nih alehmi hna cu tutan tluk hin kaa ngeihmi a um rih lo tiah aleh hna. Kan hnu zarh ah khan Aung La nih Vera cu a rak hro. Cu lio ah a rak chimmi cu, Mi tampi nih athawng bak tiah nan ruahmi Vera cu tutan ah hin ka hnuai cang lai tiah Aung La Sang nih a ti. Aung La Sang nih aa hrocernak bia nih fans pawl thla amuanter ngai ngai. Champion title pahnih aa putmi le MMA thiam hlei laksawng a cotu Aung La nih atimi cu, Pumrua nih raldohnak hmunah lai a rel lo tiah a ti.

Report nih alanghter ningah cun Aung La nih hin mi zeibantuk hmaiah a dir zongah thinphannak timi a ngei ballo. Tutan Vera hmaiah adir than lai dingmi zongah amah ah thinphannak timi pakhat hmanh a ngeilo tiah a ti. Aung La nih a chim rihmi cu Vera lawng hi hmaitonh bakin aka zuamcawhtu a si. Cu caah tutan ah hin ka thiamnak skill hi mi vialte hmaiah a tharin inhmuhter than hna hi kaa ngaih tuk tiah a ti.

Aung La nih hin Vera cu apumrua atha nain cu pumrua thatnak nih zeihmanh sullam a ngei lai lo. Vera nih a weight a zorter ruangah harnak a ton lai dingmi a fiang ko tiah a ti. Vera nih cun athazaang hmangin biatak tein rialbet khawh hi a ka zuam te lai. Tlaih i cawl kho lo dingin tuah hi a ka tim te lai. Cu tikah cun Vera nih a ka theih te ko lai a ti.

Mi tampi nih Vera cu zeitluk thazaang ngeimi le pathawng dah a si ti nan theih dih, sihmanhsehlaw cu ni ah cun Vera cu rial a si te lai, cu ni ah cun Vera cu tei a si te lai tiah a chim. Vera nih cun kuttum le ke in thonghnak in tlaihbawh hi a ka zum lai. Cu vennak dingah cun tha tukin timhlamhnak ka ngei cang tiah a chim chih.

Aung La biachim hi mirang in rel ta ve hmanh – Everybody knows how explosive he is. Everybody knows the power that he has, but I’m going to grind him down and beat him. I’m not going to be surprised if he tries to take me down, tries to press me against the cage to work some dirty boxing, or tries to grapple me rather than strike – but I’m very well prepared for that.

84 total views, 1 views today