October 16, 2019




Brandon Nih Aung La A Ti Ning Hi Nek Ngaimi A Lo Ko! A Fak Ngai!

ONE: CENTURY October 13, ah cun Aung La cu Vera nih a phomh cang lai. Hi kongah Vera nih nizan tihni ah achimmi cu, Aung La hi zenhnak pakhat hmanh ka ngei lo. Zeicatiah Aung La nih hin zeibantukin mi a rak tei hna timi akuat hi katheih tukmi a si cang. Tutan zongah cu kuat cun a ka tongh ve te lai. Nain cu ah cun fawi tein ivenkhawhnak dingah hin kaa manh tuk tiah a chim. Champion pakhat ka si, Aung La teinak dingah hin ka thazaang zong nih a tlinh i ka thiamnak zong nih a tlinh dih a ti.

Vera nih a nolh than lengmang mi cu Aung La he kan sianginn aa khat, a kan chimtu trainer zong an ikhat. Cu caah Aung La Sang nih athiammi khi ka thiamlomi pakhat hmanh a um lo a ti. Amahbel Vera hi mifim a si caah Aung La cu a upat ngai ngai. Atimi cu Aung La cu MMA kanpa dirhmun ah a dirmi a si. Mi dang vialte nakin minthatnak acotu a si caah hin upat tlak asi.

Cun amah minung sinak hrim hrim ah hin mitha, midang cungah dawtnak a ngeimi a si. Cu lawng hmanh si loin amithmai zohah hin mi thinlung adam tuk. Amithmai apanh tuk. Amah bantuk hin kan mithmai panh dih kho sehlaw cu vawleicung hi tampi aa thleng lai a ti.

Aung La Sang nih a chim ve mi cu, Mi vialte te nih athawng bak tiah nan ruahmi Vera cu tutan ah hin ka hnuai cang lai tiah Aung La Sanga ti. Aung La Sang nih aa hrocernak bia nih fans pawl thla amuanter ngai ngai. “Everybody knows the power that he has, but I’m going to grind him down and beat him. Aung La N Sang Says Size Will Not Matter In Battle With Brandon Vera”. Aung La nih cun pumrua nih raldohnak hmunah lai a rel lo tiah a ti cang ko hih.

Report nih alanghter ningah cun Aung La nih hin mi zeibantuk hmaiah a dir zongah thinphannak timi a ngei ballo. Tutan Vera hmaiah adir than lai dingmi zongah amah ah thinphannak timi pakhat hmanh a ngeilo tiah a ti. Aung La nih a chim rihmi cu Vera amah lawng hi hmaitonh bakin aka zuamcawhtu a si. Cu caah tutan ah hin ka thiamnak skill hi mi vialte hmaiah a tharin inhmuhter than hna hi kaa ngaih tuk tiah a ti.

Aung La nih hin Vera cu apumrua atha nain cu pumrua thatnak nih zeihmanh sullam a ngei lai lo. Vera nih a weight a zorter ruangah harnak a ton lai dingmi a fiang ko tiah a ti. Vera nih cun athazaang hmangin biatak tein rialbet khawh hi a ka zuam te lai. Tlaih i cawl kho lo dingin tuah hi a ka tim te lai. Cu tikah cun Vera nih a ka theih lai. Mi vialte nih zeitluk thazaang ngeimi le pathawng dah a si ti nan theih dih, sihmanhsehlaw cu ni ah cun Vera cu rial a si te lai, cu ni ah cun Vera cu tei a si te lai tiah a chim.

Vera nih cun kuttum le ke in thonghnak in tlaihbawh hi a ka zum lai. Cu vennak dingah cun tha tukin timhlamhnak ka ngei cang tiah a chim chih. Aung La biachim hi mirang in rel ta ve hmanh, – Everybody knows how explosive he is. Everybody knows the power that he has, but I’m going to grind him down and beat him. I’m not going to be surprised if he tries to take me down, tries to press me against the cage to work some dirty boxing, or tries to grapple me rather than strike – but I’m very well prepared for that. Aung La nih a taisawm hi a veng kho tak tak hnga maw…

94 total views, 1 views today