April 22, 2019




Manchester City Nih Champion League An Lak Hlan Poh Cu :

Manchester City defender thing Joleon Lescott nih tulio City manager Pep Guardiola nih Champions League hrai a cawi pi hna hlan cu City hi a chuah tak lai lo tiah a ruahnak a chim. Season liamcia ah City hi Premier League leiah an cawlcangh a tha in Champion hmanh hna seh law, Champions League lei ah ahcun Quarter final cung an kai kho lo kha a rak si. Tukum cu City hi Champoins League Quarter final ah Premier League club a si mi he an i tong lai.

Champions League Quarter final ah Totten ham he chuih dingin City hi an i timtuah cang. Quarter Final ahcun teinak kan hmu ko lai tiah an i ruah cia ko lai ti cu a fiang bak. Quardiola hi Barca a zoh khenh lio ah Champions League voihnih a lak pi hna i, mah hnu belte ah Champions League leiah a team dang pawl cu a lak pi kho rih ve hna lo.

Lescott nih sporting Bet i a chim ningcun ” Europe ah City nih nawlngeihnak a lak hlan cu Pep Gurdiola nih Man City hi a chuah tak lai ka zum lo. Vawlei pumpi ah City minthat hi a rian ah aa ruah i, caan rau lo chungah Pep nih City hi hlawhtlin pi hmanh seh law, a dang a um rih a ti.

“City he a pehtlai mi pohpoh nih cun Pep hi Man City a um rih ding hi kan duh cio i, a chuak a si bak ahcun a ngaihchiami kantam tuk lai. A contract ah kum hnih chung hi Pep nih a ngei rih i, hi hlan ahcun City hi a chuak tak lai ka zum lo” a ti. Ref: IK

299 total views, 1 views today