April 22, 2019




Real Madrid Player Ah Man Tambik Si A Duh: Pogba

Paul Pogba cu Real Madrid i aa thial si cun a hlawh kaih a duh colh i, Real Madird player lakah hlawh tambik si a duh. Tulio Spanish club Real Madird nih Paul Pogba cu Old Trafford in lak an duh tiah thawngpang a chuak i, hi bantuk thawngpang lak ahhin Pogba agent Mino Raiola, France star nih Santiago Bernabeu i aa thial sicun kum khat ah E 13.65 million hlawh a duh tiah a chim.

Pogba hi Old Trafford ah season khat chungah E 8.5 million hlawh an pek i, Spain lei a kal sicun Real Madrid player vialte lakah hlawh tambik si a duh i, kum khat chung i, a hlawh cu E 13.65 million an pek khawh sicun Manchester United chuak tak zong a duh ko lai tiah ruah a si.

France midfielder hi tu lio cu a langh tha tuk i, hi ruangah hin Spanish club lian pawl nih lak ah duh tiah an chim. Pogba duh bantuk in an player lakah hlawh tambik si ding zong in an ngamh ko lai tiah thawngpang a chuak.

Real Madird player lakah hin Gareth Bale cu hlawh tambik a si lio i, Welsh winger hi kum khat ah E 11.9 a hlawh i, team captain Sergio Romas cu season khatah E 9.3 million a hlawh ve. Zinedine Zidane zohkhenhmi Real Madrid nih Paul Pogba hi a lak i, a tinh ningin a kal pi sicun Gareth Bale le Sergio Ramos nak in a hlawh a tam lai tinak si.

Zidane an lak hnu ah Real Madrid cu a thar bak in siamthat an duh i, Tu season ahcun duh ningin an cawl kho lo i, La Liga title hmu kho ding dirhmun an phan ti lo i, UEFA Champions League ah Ajax nih an dawi fawn hna i, hi bantuk a si caah season thar caah timhtuahnak tha taktak an ngei i, squad zong remh an timh tiah zumh a um. Pogba hi a hlan ah a rak chimmi cu Real Madrid i, pumpululh chuih cu lung a tling tuk hnga tiah a rak chim cang i, Zidane kut tang i, vun chuih chinchin cu a duh lai tiah an chim ceih. Ref: IK

259 total views, 1 views today