June 25, 2019




Lai Students Association General HQ; Lawngtlai nih JNV Siangin Sihtlangpi zohfelnak an ngei

Lairam ah Sianghngakchia vialte funtomnak le kum 50 leng a kal cang mi, Lai Students Association Gen HQ Lawngtlai Hruaitu le chungtel hna nih cun Nihin ni 23 zarhteni ah khan Mipi nih chimcaih le soisel a tong ngai mi, Central cozah sianginn JNV School Sihtlangpi khua ah a um mi cu zohfelnak an ngei kho tiah thawng kan theih,

hi zohfelnak ah hin LSA Gen HQ Lawngtlai in General Secretary Lalpuilian Thangnget le Vice President F. Lalruatpui hna nih an hruai hna i, LSA Gen HQ Office Bearers, GHEC Member le Appointed Secretaries hna le LSA chungtel mi tam ngai nih an zulh hna i, Chawntlangpui YLA hne le Sihtlangpui VC hna he zong tonbiaruahnak ngei kho in Khaw pawngkam mi hna he tonbiaruahnak zong an ngei kho. Tu dirhmun ah JNV ah hin Sianghngakchia 400 um in, Cawnpiaktu le Staff dihlak 36 an um lio.

Hi JNV schol zohfelnak ah hin thil fello tampi hmuh a si i, Hngakchia zohkhenhnak ningcang, rawlchuan ningcang le Discipline ah a chia ngai ngai i, Inn le hmunhma zohkhenh ningcang zoh ah LSA Gen HQ Lawngtlai cu an hna a tla lo ngai tiah thawng kan theih. JNV School Principal le cawnpiaktu hna pinah Sianghngakchia he hna zong ton biaruahnak an ngei kho, JNV School ah hin Lai Sianghngakchia 100 hrawng an um i, 400 ah za lawng an um mi cu LSA Gen Secretary Lalpuiliana Thangnget nih pawi a ti nak kong le kumthar lei ah cun a tam khoh chung Laimi kan luh khohnak hnga tan kan la lai i fakpi in riantuan kan i tim tiah a chim.

LSA Gen HQ Lawngtlai nih hin Central Cozah nih a zohkhenh mi JNV School cu a that khohnak ding le ningcang deuhin a kal khoh nak ding hnga caah cozah nawlngeitu sang hna sin zongah tlunh kan i tim tiah LSA Gen HQ Lawngtlai Vice President F. Vanlalruatpui nih LMG ah a chim.

Ref: Phongpi

 

133 total views, 1 views today