March 22, 2019




“Lushai” Ti Sullam Cu CNF Vice President Nih A Chim

Chin Cable Netwrok (CCN) nih Dr.Lian Hmung Sakhong,tu ah Chin National Front (CNF) Vice President si lio mi interview an neih nak ah CNF Vice President nih cun Mizo leh Lai kan i unau ning le Mizo lo dir chuah ning ti hin a chim.

Hlan lio ah Trible War a rak um i Than Tlang Town Ship ah Bial le bial i donak arak chuak i thal le saphaw he rak i doh asi caah teinak hmuh cu ahar bak,cu lio ah cun Hakha lei nih Burma ralkap meithal an rak i hlan khawh ruang ah meithal hmangin fak tuk in an rak doh asi.

Hlan lio ah cun mipa nih hin an sam hmailei chal chunglei an hin an i ttrem tawn i,nu pawl nih an hnulei tukbukhur ah an i ttrem ve tawn,Hakha nih meithal he an rak dawi hna i an va phan ah cun pa pawl nih an sam,an lu an i ttrem nak cu hnulei ah an rak thlah viar hna cucu “Lushai” tih rak um ning asi,cu ti an sam an thlah viar nih a zohter mi cu “ka tlawm” kai surrender tih nak a langhter kha caan lio ah ral hna nih ka tlawm an ti cang ah cun indoh zong a thiang ti bak loh.

Lushai ti sullam hi Mizo holh asilo i Hakha holh zong asi fawn loh,Lushai ti bia hi THan Tlang Town Ship Zophei bial ah lawng a um i cucu Hriangkhan khua Duhlian umnak asi,Duhlian hi Hriangkhan khuan asi.

Mizo le Lai hi unau,Chin mi vialte kan si tih fiang nak cu atu Tiau pawng,Dawn Khua leh Ralphel (Mizo nih Leisen khuan an ti mi) hin cawn khawh a si ati. (Dawn Khua khua khat ah hin pa le nu holh ai dang).

CNF Vice President Dr.Lian Hmung Sakhong nih a peh ning cun cuti Hakha nih meithal he ral hna an doi lio ah cun ral hna nih an theih la ti an ttih ruang ah an i chawnh ding ning a dang an rak ruah i cu lio cun tu Mizo holh Duhlian holh hi a rak chuah asi,cu ti cun Khual Hring Tlang in Tiau an rak ra lio ah holh cu an cawng i nu zeimawzat cu Tiau ah an chiahtak asi.

Cu ti cun pa pawl cu atthen hna cu an rak kir tthan i Tiau chhak i khua an dirh mi ah cu pa rak kir tthan hna nih cu holh dang in an holh i nu Tiau i an chiahtak hna pawl nih cun an holh cu an hmanh ve ti lo caah ah a tu Dawn khua pa le nu holh ai lo lo nak asi ti in a chim.

Common Languange a chim nak ah cun Chin State ah hin zei ruang ah dan common language hi ngei lo in Mizo nih common language “Duhlian Holh” an ngeih ti bia halnak le leh nak a chim ning ah cun Mizo nih cun common language an ngeih la hme cu,i doh nak ah a tlawm mi an si hme cu tiah a chim Duhlian holh cu i doh nak in ral hna theih ttih ruang ah in chawnh nih a phuah mi asi cu teh ati.

Tin “Min” tawp ah “i” le “a”
um ning zeitin a rak um ti a chimh tthran i,cu lio Tiau kam i umnak hmun an rak khuar tik ah cun Chhiarp[ui neih ahau i mirang pawl nih khua kip ah inn kip ah min an lak la i sihmansehlaw an min list an vun zoh tik ah pa le nu an thleidan kho ti lo i pa le nu thleidan nak ding ah Bengali hilh,Arpi le Arpa auh nak Murki le Murka an rak lak asi.

Murki sullam cu Arpi ti nak,Murka cu Arpa ti naka si,Murki cafang a donghnak i alphabet “i” cu lak in nu min dongh ah chap asi i Arpa auh nak Murka cafang alphabet “a” cu lak in pa min dongh nak ah bunh asi i cu ti cun Chhiarpui an rak ngei ti in Dr.Lian nih cun a chim.

63 total views, 1 views today