August 17, 2019




United Nih OGS Hi An Lak Taktak Men Lai?

Manchester United nih caan karlak caah an lakmi Ole Gunnar Solskjaer hi tu lio season dih cun a fekmi in an lak lai tiah thawngpang tialtu mi lar tam nawn nih an chim.

Thawngpang tialtu pawl chim ning cun OGS hi game 11 a chuihmi ah voi 10 bak teinak a hmuh pi hna ruangah OGS hi a fekmi lak an timh ti a lang i, United nih Norwegian manager hi tulio season a dih tiang ca lawng an hlanmi a si i, interim manager tiah auh a si. United hi nikum December thla khan a zoh khenh i nihin tiangah voikhat hmanh a sung rih lo.

OGS hi club zoh khenh liomi a ngei i, United nih hin Norwegian club Molde lak in an hlan chommi a si. OGS hi Molde a ngeitu hna nih United hi zohkhenh dingin an duhnak an rak chim cang i, United nih an duh poh ahcun a club hlun zoh khenh cu a el lai lo.

The Sun nih a langhter ning cu United board pawl nih biakhiahnak an tuah dih cang i, OSG hi a fekmi in lak an timh cang. Nain season a dih hlan cu zei hmanh chimphuan a rem lo an ti.

United executive chairman Ed Woodward bel te nih Tottenham manager Mauricio Pochettino hi a duh tiah a lang i, Season dih ah a lem tiah tiah an chim fawn. A sinain Tottenham nih an manager hi contract thar an tial pi ka lawng a si caah United sin ah an kal ter duh lai lo tiah zumh a si i, hi ti thil a kal ko ahcun OGS hi a fekmi ah an lak ko lai tiah zumh bik hi a si.

IK

101 total views, 1 views today