February 20, 2019




US House Speaker Nancy Pelosi Nih Bible Chung I Um Lo Mi Bible Chung Ta Ka Lak Ti Bantuk In Bia A Chim Tawn

Feb 8,2019 (MSR): US House Speaker Nancy Pelosi,Democrat asimi nih cun vawi 15 bak Bible chung i bia ummi ah a ruah mi,Bible bia bantuk in a rak chim tawn.Cu bia cu,”Bawipa thil sermi hna lak ah Amah rian ttuan cu Amah tthangtthat asi.Amah Bia theih duh mi hna theih ter lo cu a kan sertu Bawipa ningzahter asi” (To minister to the needs of God’s creation is an act of worship. To ignore those needs is to dishoner the God who made us) ati.

California state in House of Representative si ding in an thim khan,neh hnu ah nu House Speaker hmasa cem ding in thlan asi i,kum 2002 kum in hi Bible chung i bia maw ati mi hi a rak chimh tawn.A si rua tiah ti hi a um tawn ve ko e.

Nancy Pelosi hi Democrat pawl ah liberal tiah a si tawn,vawi 2 bak Speaker ni kho asi ruang ah,nu ropui taktak cu a si phawt.Amah hi Catholic chungkhar in a seilian mi asi.

Tu kum January thla dong lei zong ah Christian Educators pawl sin ah a chimh tthan pek i,”Bible chung i bia ummi ah amah nih cun a ruah i,ka chim tawn i,Bible ka rel ka rel tik ah,Isaiah ah um rua in ka theih i,sihmansehlaw ka hmu kho ti bak lo ati fawn.

Prof.Will Kynes of Hebrew Bible/OT Scholar of Withworth University nih cun.”Nancy Pelosi bia chimh tawn mi hi Phungthlukbia 14:31 bia he ai keih cem, “Misifak kha nan serhsat hna ahcun anmah a Sertu Pathian nan serhsat kha a si,nan zaangfah hna ah cun cucu Pathian biak asi” tihi a si ko la tiah ati.

52 total views, 1 views today