2019 -2020 I Actor Minthang Pawl Phaisa Hmu Bik Minung _ 5 hna

Vulei cung actor minthang hna hi tukum 2020 chung ah cun Covid -19 ruangah film an i chuah kho lo tiah theih  a si. A cheu cu lak lawh in an bang hna, 2019 i actor phaisa hmu bik panga hna kan van tar lai.

5. Jackie Chan,  Asian Actor ah cun milar bak a si i ni kum 2019 i phaisa a hmuh mi dihlak hi $58 Million a si. A mah hi kum 66 mi upa a si cang, nain film hi a cang peng ko rih. 1975 khan a zuam nak thawng in mi i hngalh mi a hung si. A sinain a mah hi Asian actor a si caah hollywood lei ah a caah rian a har ngai i, Hongkong ah a kir i 1985 hrawng in khan United State le England ah  a hung lar i vulei cung mipi theih awk tiang in a hung lar. Khuapi hmunthum China khawpi le Hongkong khuapi le a dang ah inn tha taktak mi a nei i, a inn tha bik pakhat man cu 6.7 million man a si.

4. India Actor minthang Akshay Kumar hi kum 2019 chung ah khan $65 million bak a hmuh ve. bollywood ah langlar bik tiah an auh ve mi pakhat si i, film cang i a hung lar hi taktak hi 1990 kum in ahung langsar i thil phunphun show le bollywood film cang in a rum mi a si. film hi 152 a cang mi a si i 2019 kum ah khan a zuam nak le a hlawhtlin nak thawng in vulei cung actor phaisa hmu bik pali nak a si.

3. Robert Downey Jr hi $ 66 million bak 2019 ah khan a hmuh ve. a nih cu thil dang, game dang pakhat ah a hmuh mi ah hin 55 million  bak a rak hmuh. 1990 kum hnu in actor hlawhtling a hung si. kum 2000 lio hrawng in khan sii le rit hai nak khur ah caan sau nawn pi a tla i kum 5 hnu ah a nun cu aa thar chuah i film a cang than, mipi nih a kong hi an hngalh mi le an uar hlei mi a si. a inn pakhat hi 3.8 million man a si i a chung ah hin thil a tling dih ngawt ti awk a si.

2. Chris Hemsworth hi $ 76.4 million bak kum 2019 chung ah film a thlak nak in a hmu mi pa si. vulei cung actor ah cun hlawh tam bik pawl a si, Chris Hemsworth hi Australia in televishion show in a hung lar mi a si. A film pakhat a chuah mi cu vulei cung hmunkip ah an zuar i $ 251 million bak  a hmuh .  film a thla mi hi zoh a tong ngai ngai. kumkhat chung i film a thla mi ah cun hlawhtlin cem pahnih nak a si.

 

1. Dwayne Johnson a tam deuh nih cun The Rock tiah kan kawh mi pa kha a si . 2019 chung i a hmuh mi phaisa cu $ 86.4 million a si. Lar a thok cu 1990 hrawng khan a si i a cawcawm nak hi bawlung chuih deuh in a rak kawl ve. film a voikhat nak a cang cu 2001 ah khan a si. kum 2009 ah cun a hlawh a tlin tuk i film hi tam nawn pi a chuak cang. Actor phaisa hmu bik tiah 2019 ah khan an ti .

 163 total views,  1 views today

This function has been disabled for Chin 11 News.