1918-1920 Lio Ah Spanish Flu Le Nihin COVID-19 Dirhmun Cuaithlai Nak

Covid-19 kong he pehtlai in nihin ah vawlei cung mi vialte thinphang le thathir dihlak in an kan chia tu zawtnak hi nihin tiang ah zeitindah ti le zeiruang bik ahdah ai thok ning a si ti hi fiangfai tein a chim kho ngaingai mi an um rih lo. Hi COVID-19 zawtnak hi minung cung ah a tlung mi pulrai fak ngaingai a si ti cu vawlei cung mi vialte nih chim cio mi a si. Hi bantuk pulrai zawtnak tihnung ngai mi hi a luancia kum 100 lio ah voikhat a rak chuak bal cang mi cucu vawlei cung pulrai zawtnak ah philh khawh lo mi zawtnak a rak si bal.

Cu pulrai zawtnak cu Spainish Flu tiah an rak auh mi a si i minung 50-100 million karlak an rak thih mi pulrai zawtnak tih nung ngai a rak si. Spainish Flu ti mi cu zeidah a si kun ne? Spainish Flu timi cu a luancia kum 1918-1920 lio kum 2 chung ah vawlei cung pulai fak bik a rak chuak mi zawtnak a si. Cu lio caan cu vawlei cung ralpi voikhat nak a rak chuah lio a si i Spain ram in i vawlei cung dihlak a rak phan mi pulrai zawtnak asi.

Zeitindah an i chawnh ning a si? Sapinsih Flu hi tlangrai zawtnak bantuk a si i thawchuah har, khuh khuh le cumpi in ai thok mi a rak si. Cu zawtnak rungrul a ngei mi pakhat nih midang umnak hmun ah a khuh khuh, ha thio le biaruah nak zong in pakhat le pakhat cung ah awl-zaang tein a rak kai kho mi pulrai zawtnak a si. Cu ruang ah vawlei cung ah 500 million nih zawtnak i an rak i chawnh manh hi a si.

Zeiruang ahdah minung tamtuk an rka thih ning hi a si? Hi zawtnak pulrai a rak chuah lio hi vawlei cung ralpi voikhat nak lio a rak si caah lock-down tuah khawh a rak si lo, Isolation ah chiah awk zong an rak tha lo i social distance zong an rak tuah khawh lo caah minung tamtuk an rak thih nak hi a si. Cun Spainish Flu rungrul nih a tlak cang mi hna hi cu suimilam 24 chung ah direct in an rak thi cawlh hna. Cu ruang ah Spanish FLu hi pulrai tihnung taktak a rak si nak hi a si.

Asinain nihin COVID-19 pulrai zawtnak tihnung a chuah lio ah vanthat ngai a si tiah an chim mi cu social media tha tein kan ngeih cang caah ramkhat le ramkhat ah thil cang hi awl-zaang tein thawngthanh le theihter khawh lengmang hi a si. Cun hmunkip le ramkip ah awl-zaang tein lock-down, Isolation le Social Distance hi tuah khawh dih a si. Nihin tiang ah vawlei cung huap in COVID-19 in a thi mi an tamtuk cang caah daitlan le duh poah in um awk kan tha lo, ralring tein kan um cio hi a herh mi a si.

Source: Momolay

 205 total views,  1 views today

This function has been disabled for Chin 11 News.