𝐂𝐡𝐢𝐧𝐫𝐚𝐦 𝐓𝐥𝐚𝐧𝐠 𝐒𝐚𝐧𝐠 𝐂𝐮𝐧𝐠𝐢𝐧 𝐏𝐚𝐭𝐡𝐢𝐚𝐧 𝐓𝐡𝐢𝐦𝐦𝐢 𝐏𝐚𝐬𝐚𝐥 Ṭ𝐡𝐚

Kawlram chungah Chinram cu Khrihfa (Zumtu) ram a si.

Pathian nih Israel mi cu a thimmi miphun a si bantuk in Chinmi zong a sunparnak langhtertu ding ah a thimmi miphun pakhat a si ve.

Israel mi hna nih thinlung, taksa le thlarau in luatnak le damnak an hmuh nakhnga Pathian nih hruaitu a thimpiak tawn hna.

Cu bantuk in Kawlram le Chinram ah Pathian sunparnak langhter dingah Chimmi chungin Pathian nih a rak thimmi hruaitu an um len. Cu lakah Vice President Henry Van Ṭhio hi Pathian nih Chinram damnak le ṭhanchonak caah a thimmi a si ko ti hi Pathian a thlaihchanmi a sinak le a tuanbia a dotdot kan zoh tikah el awk ṭha loin a lang.

  1. Fimcawnnak
  2. High School – No. (1) State High School, Hakha ah a kai i kum 1974-75 cacawn kum ah thang hra (Matric) a awng.
  3. Kum 1985 ah (B.A., Geog.) – Mandalay Arts and Science University, Mandalay.
  4. Kum 1998 ah Post Graduate Diploma in Law – Yangon Arts and Science University.
  5. Kum 2010 ah Master Course (kum – 1) International Graduate School of Leadership (IGSL), Philippines.
  6. Kum 1986 July 21 ah ဗိုလ္ေလာင္းသင္တန္း အပတ္စဥ္ ၇၂ (O.T.S 72nd batch) a rak dih.
  7. Caozah Rian A Rak Ṭuanmi
  8. Kum 1977 in 2000 tiang ralkap a tla i, kum 22 chung minchiatnak ngei lo tein Major (ဗိုလ္မွူး) reng tiang a ṭuan.
  9. Kum 2000 kum ah civil rian a simi Ministry of Industry (1) ah aa á¹­hial i Mandalay khua Virginia Tobacco Factory ah Factory Manager (Sehzunghmu) rian kum 5 chung 2005 tiang a á¹­uan.
  10. Kum 2005 in 2006 tiang Ministry of Industry (1) zungpi Yangon ah Administrative Director kum khat a á¹­uan.
  11. Kum 2006 in 2009 tiang kum thum chung Bilin khua Spirit Factory ah Factory Manger (Sehzunghmu) rian a á¹­uan.

III. 2015 thimnak ah Amyotha Hluttaw MP a hung si.

Kum 2016 February ni 5 in PM rianṭYan hram a thawk. Thla khat fai MP a ṭuan lio ah Kawlram le Chinram ṭhancho nakding ah a biapi taktak mi Phaisa – Budget lei tawlreltu committee chungtel a hung si. Kum 2016 February ni 5 in Amyotha Hluttaw Public Accounts Committee (အမ်ိဳးသားလႊတ္ေတာ္ ျပည္သူ႔ေငြစာရင္း ေကာ္မီတီအဖြဲ႕ဝင္) le kum 2016 February ni 11 in Pyidaungsu Hluttaw Public Accounts Joint Committee (ျပည္ေထာင္စုလႊတ္ေတာ္ ျပည္သူ႔ေငြစာရင္း ပူးေပါင္းေကာ္မီတီအဖြဲ႕ဝင္) ah ṭuanvo an pek.

  1. Kum 2016 March ni 15 in Vice President ah an thim i, April ni 1 in Vice Resident á¹­uan hram a thawk.
  2. Vice President a thuanmi chung ah a biapi taktak mi pakhat cu Rampupi Budget- Phaisa phawtu le hmannak ding tawlreltu a hung si. Ramkulh pa 7 le Ramthen 7 vialte budget tawlrel cu a si.
  3. Chinram caah Budget tampi hal a rak har ngaimi kha atu ah cun amah cu Budget- Phaisa petu a hung si.

Zeitluk in dah Chinram caah thluachuahnak a tam. Chinram ah budget a tam i, rian tam tuk a hung ummi hi amah petu dirhmun ah a dir ruangah a si.

  1. Chinmi caah Tuanbia thar le Tuanbia dawh á¹­ialtu a si.
  2. Pu Henry Van Ṭhio cu kum 2016 March ni 15 ah Vice President thim a hung si. Kum 1899 March ni 15 cu America ram in Nunnak Thawngṭhabia a phurtu Siangbawi hmasa bik Rev. Arthur E. Carson le Laura H. Carson te nupa Chin ram (Lairam) Hakha an phanh ni a si. Thlarau nunnak ceunak khuadeinak fingrei Chiram ah a cah ni a si bantuk in, hi ni ṭhiamṭhiam ahhin Pu Henry Van Ṭhio hmang in ramkhelrian ah Chinmi caah khuafing a cat ve.
  3. March ni 15 nih Chinram caah philh khawh lomi tuanbia a ngei. Nunnak Thawngṭhabia a phurtu Rev. Arthur E. Carson le Laura H. Carson te nupa Chinram Hakha khua an phanh ni le Chinmi chungin Henry Van Ṭhio Kawlram pumpi ramkomh Vice President an thim ni ai khat, cucu March ni 15 a si.

Pu Henry Van Ṭhio cu;

(1). Kawlram ah Khrihfa Vice President hmasa bik a si.

(2). Chin miphun ah Vice President hmasa bik a si.

(3) Chin miphun chungin nihin tiangah Kawlram lawng si loin vawlei pumpi huap in rian sang bik a á¹­uanmi a si.

(4). Chin miphun chungin United Nations General Assembly ah rampi aiawh in bia a chim hmasa bik a si.

  1. Uapatnak Doctrate.

Henry Van Ṭhio a nunning, a fimcawnmi, a hmuhtonmi (experience) le a rianṭuanmi an zoh tikah upat awktlak hrimhrim a si an ti caah Global Gateway University of Missouri, USA nih Honorary Doctorate 2017 ah an pek.

A cunglei thil a cangmi ruangah zumtu hna nih cun Pathian nih Henry Van Ṭhio cu a thimmi a sinak fiang tein hmuh khawh a si. Zumlotu nih cu an al ko lai.

Tuanbia thar ṭial cu a har. Tuanbia dawh ṭial a har chinchin. Chinram tuanbia thar le tuanbia dawh a kan ṭialpiaktu cu Pu Henry Van Ṭhio hi a si.

– Chinram caah thil lianngan a tuahmi dot khat hun dotkhat in ka zoh hna lai. *Apeh– Next…

Laknak: Chinram Tlang Sang Thawngzamh