ṬHANCHONAK LE RAM Timi Tlangtar In Siang Kung Tz Nih A Tial Mi Hi Tha Kho Taktak

(Kan hromh rihmi hna ………..)

ṬHANCHONAK LE RAM

(Development and State)

By Siang Kung Tz.

“““““

Vawlei ram aphuphu i ṭhenning hi aphunphun a um. An hmanmi uknak zohin siseh, Party tamning zohin siseh, tawlrelnak (Administration) zohin siseh, a phunphun in ṭhennak tuahkhawh asi. Ṭhanchonak zohin, vawlei ram ṭhennak an tuahning ka van chim hmasa lai. Vawleicung ram hna cu an ṭhanchoning zohin, phu -thumah atlangpiin ṭhen an si. First Developed World, Second Developed World le Third Developed World tiin ṭhen an si. Cucu, afawinak in, First, Second, Third World tiin auh an si. A ṭhangchotuk cangmi ram hna kha First World ti an si i, a ṭhangcho set rihlomi ram hna cu Third World ti an sive. Nihinah ruah kan duhmi hna cu, “A ṭhangcho rihlo mi” Third World ram chungah hmuh tawnmi thil le sining kong a si. Theihhngalh kauhnak caah a tawinak tein a tangleiah ka rak ṭial hna lai.

(i). Third World pawl hi luatnak an hmuhnak a sautuk rihlomi ram an si ngawt hna.

(ii). Colonial asiloah, Imperial uknak phun deuhin ai uk rihmi ram an si rih hna.

(iii). Third World ram hna cu, nan hngalhcio btk.in, Ram nih achuah pimi thil dihlak (Gross Domestic Product) le Minung pakhat nih a hmuhmi (Per Capita Income) a niam ngai rihmi ram an sihna.

(iv). Thil sernak leiah siseh, fim-thiamnak leiah siseh, an ṭhancho ning a niam fawn rih.

(v). Third World i a ummi mipi hna an pawcawmnak cu, thlai-cinnak lei he aa tlaimi rianah a sikhun.

(vi). Cupinah, ramdang bomhnak zong tampi a hmumi ram an si rih hna.

(vii). Thlaicinnak leiin an zuunmi a theipar le hmankhawh asi rihlo mi vawlei thilchuak (raw material) pawl ramdangah a zuar tawnmi ram atlangpiin ansi hoi hna.

(viii). Pawcawm-eikawlnak leiah harnak aphunphun atong tawnmi ram an sifawn rih.

(ix). Ṭanh deuhmi ram angeilomi/Phu angeilomi (Non-aligned) ram atam u cu ansi hna.

(x). Third World ram chungah a ummi mipi hna nih an Covo le an Duhmi (Interests) hmukho dingin an cawlcaang cuahmah rih hna i, Globalisation nih a chuahpimi thil hmukho/ngeikho ding zongin kaarhlan aa timmi ram ansi hoi hna.

(xi). Atulioah Democracy ram dirh ai tim i, a cawlcaang cuahmahmi ram hna hi Third World ram lawngte an siko ti usilaw, kan palhtuk lem lailo. Asia, Africa le Latin America ram hna zohah fiang ngaiin a langko.

(Asautuk sual lai, za rih seh.)

 95 total views,  2 views today

This function has been disabled for Chin 11 News.